బాలయ్య కోసం ప్రభాస్ స్పెషల్ మెను..!

బాలకృష్ణ హోస్ట్ గా చేస్తున్న అన్ స్టాపబుల్ షోలో రెబల్ స్టార్ ప్రభాస్ పాల్గొంటున్నారన్న విషయం తెలిసిందే. పాన్ ఇండియా స్టార్ గా ఎదిగిన తర్వాత ప్రభాస్ ఫేస్ చేస్తున్న మొదటి ఇంటర్వ్యూ ఇదే. ఇక బాలయ్య హోస్ట్ గా ప్రభాస్ గెస్ట్ అనేసరికి ఈ ఎపిసోడ్ పై స్పెషల్ క్రేజ్ ఏర్పడింది. ప్రభాస్ ఎపిసోడ్ ఆదివారం షూటింగ్ జరిగింది. ఈ ఎపిసోడ్ ప్లానింగ్ ఉన్న టైం లోనే ఎపిసోడ్ కు వచ్చినప్పుడు తను అన్ స్టాపబుల్ టీం కి ప్రత్యేకంగా బాలయ్య కోసం కూడా స్పెషల్ ఫుడ్ మెను ఎరేంజ్ చేసినట్టు తెలుస్తుంది.

ప్రభాస్ తో షూటింగ్ లో పాల్గొనే ప్రతి ఒక్కరు అతను పెట్టే భోజనాల గురించి ప్రత్యేకంగా చెప్పుకుంటారు. ఈ క్రమంలోనే అన్ స్టాపబుల్ ఇంటర్వ్యూకి వస్తూ కూడా ఆ టీం అందరికి ప్రభాస్ స్పెషల్ మీల్స్ ఏర్పాటు చేశారట.

తన ఇంటి దగ్గర స్పెషల్ గా ఏర్పాటు చేయించి మరీ ప్రభాస్ ఈ ఫుడ్ ఏర్పాటు చేసినట్టు తెలుస్తుంది. బాలకృష్ణ కోసం చికెన్, ఫిష్, మటన్ ఇలా రకరకాల వంటలతో ఫుడ్ ఐటమ్స్ ఏర్పాటు చేశారట. అంతేకాదు పప్పు, సాంబార్ కొన్ని వెగ్ ఫ్రైస్ కూడా వాటితో పంపించారట.

ప్రభాస్ పెట్టిన భోజనం తిన్న బాలయ్య చాలా సంతోషించారని టాక్. ఇలా కడుపునిండా ఫుడ్ పెట్టడం అనేది కృష్ణం రాజు నుంచి నేర్చుకున్నాడు ప్రభాస్. ముందు ఏదైనా పని చేయాలంటే కడుపునిండా తినాలన్న కాన్సెప్ట్ వారిది. అందుకే నచ్చిన ఐటమ్స్ తో నచ్చినంత తిని ఆ తర్వాత అది అరిగేదాకా కష్టపడాలని అంటుంటారు. మొత్తానికి అన్ స్టాపబుల్ షో లో కూడా ప్రభాస్ స్పెషల్ మెను ప్రత్యేక ఆకర్షణగా నిలిచింది.

ఈ షోలో ప్రభాస్ తో పాటుగా గోపీచంద్ కూడా పాల్గొన్నారు. బాలకృష్ణ, ప్రభాస్, గోపీచంద్ కచ్చితంగా ఇది రేర్ కాంబినేషన్ అని చెప్పవచ్చు. అన్ స్టాపబుల్ 2లో ఇలాంటి కాంబినేషన్స్ ఎన్నో చూస్తున్నాం ఇక మీదట చూస్తాం కూడా.. అన్ స్టాపబుల్ సీజన్ 2 కూడా సీజన్ 1 లానే దూసుకెళ్తుంది. ప్రభాస్ తో బాలకృష్ణ అన్ స్టాపబుల్ ఎపిసోడ్ త్వరలో స్ట్రీమింగ్ కానుంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.