జూలై నుండి ప్రభాస్ కొత్త రొమాన్స్

ప్రభాస్ కొత్త సినిమా ఎప్పుడొస్తుందా అంటూ ఫ్యాన్స్ ఆశగా ఎదురుచూస్తున్నారు. బాహుబలి2 పూర్తి చేసేందుకు ముందే సాహో ఫిలిం షూటింగ్ స్టార్ట్ చేసేసి.. బాహుబలి ది కంక్లూజన్ తో పాటే టీజర్ ను కూడా రిలీజ్ చేయడంతో.. ప్రభాస్ నుంచి చకచకా సినిమాలు వస్తాయని అంతా భావించారు. కానీ సాహో మాత్రం తెగ వాయిదాలు పడుతూనే వస్తోంది.

దుబాయ్.. అబుదాబిలలో ఓ లెంగ్తీ యాక్షన్ ఎపిసోడ్ ను చిత్రీకరించాల్సి ఉండగా.. దీనికోసం ఏకంగా 60 రోజుల షెడ్యూల్ ప్లాన్ చేశారు. కానీ అనుకున్న పర్మిషన్స్ రాకపోవడంతో ఈ షెడ్యూల్ గురించి వార్తలు ఏమీ వినిపించడం లేదు. సాహో 2019కి వాయిదా పడిపోయిందనే విషయంపై ఇప్పటికే అందరికీ క్లారిటీ వచ్చేసింది. సినిమాల కౌంట్ విషయంలో స్లో అయిపోతున్నాననే ఫీలింగ్ తో.. తన తర్వాతి కమిట్మెంట్ ను కూడా మొదలుపెట్టేస్తున్నాడట యంగ్ రెబల్ స్టార్. అంటే సాహో సినిమా పూర్తి చేయకుండానే.. కొత్త సినిమా షూటింగ్ మొదలుపెడతాడన్న మాట.

జిల్ ఫేమ్ రాధాకృష్ణ దర్శకత్వంలో రూపొందే ఈ చిత్రంలో పూజా హెగ్డేతో రొమాన్స్ చేయనున్నాడు ప్రభాస్. ఈ మూవీ షూటింగ్ ను జూలైలో మొదలుపెట్టేందుకు గ్రీన్ సిగ్నల్ ఇచ్చేశాడట. లవ్ స్టోరీ కం యాక్షన్ ఎంటర్టెయినర్ కావడంతో.. ఈ మూవీ చకచకా పూర్తి కానుందని అంటున్నారు. బాహుబలి తర్వాత క్రేజీ ప్రాజెక్ట్ అనుకున్న సాహోను పక్కనపెడుతూ ప్రభాస్ పెద్ద ధైర్యం చేసేస్తున్నాడనే కామెంట్స్ వినిపిస్తున్నాయి.