చరణ్‌ తో చేయమన్నాడట.. కాని..

బాహుబలి సిరీస్ ను పూర్తి చేసి కొంత బ్రేక్ తీసుకున్న ప్రభావ్.. కొత్త సినిమా పనుల్లో బిజీ అయిపోయాడు. ఇప్పటికే సుజిత్ దర్శకత్వంలో సాహో చిత్రాన్ని శరవేగంగా పూర్తి చేస్తున్నాడు. మరోవైపు రాధాకృష్ణతో మరో మూవీకి యాక్సెప్ట్ చేశాడు యంగ్ రెబల్ స్టార్. మార్చ్ నుంచి రాధాకృష్ణ దర్శకత్వంలో తెరకెక్కే సినిమా షూటింగ్‌ లో కూడా పాల్గొంటాడు ప్రభాస్.

ఒకవైపు సాహోను.. మరోవైపు ఈ కొత్త సినిమాను.. ఏకకాలంలో పూర్తి చేసేందుకు ఫిక్స్ అయ్యాడు. అయితే.. రాధాకృష్ణ చిత్రాన్ని రామ్ చరణ్ తో తీస్తే బాగుంటుందని ఫిక్స్ అయ్యాడట ప్రభాస్. మూడేళ్ల క్రితం ప్రభాస్ కు రాధాకృష్ణ ఈ కథ వినిపించగా.. యూవీ క్రియేషన్స్ బ్యానర్ లో రామ్ చరణ్ తో మూవీ చేయాల్సిందిగా సజెస్ట్ చేశాడట. చెర్రీతో తాను మాట్లాడతానని కూడా అన్నాడట. అయితే.. ఈ చిత్రాన్ని ప్రభాస్ తోనే తీయాలని పట్టు పట్టాడట రాధాకృష్ణ. ఈ విషయంలో కొంతకాలం పాటు వేచి చూశాడు ప్రభాస్.

అలా మూడేళ్ల పాటు ఆ స్టోరీని వేరే వాళ్లకు చెప్పకుండా.. తనతోనే తీయాలని రాధాకృష్ణ వెయిట్ చేయడంతో.. తప్పకుండా చేస్తానని మాటిచ్చిన ప్రభాస్.. ఇప్పుడు ఆ కమిట్మెంట్ నే పూర్తి చేస్తున్నాడు. బాహుబలి తర్వాత బాలీవుడ్ మూవీ చేసేందుకు పలు ఆఫర్స్ వచ్చినా.. ప్రభాస్ మాత్రం ముందుగా ఇచ్చిన కమిట్మెంట్స్ కే ఫిక్స్ కావడం విశేషం. ప్రభాస్ ఈ మూవీలో లవర్ బోయ్ గా నటిస్తుండగా.. రొమాంటిక్ ఎంటర్టెయినర్ గా ఈ చిత్రం తెరకెక్కనుంది.