ముంబయి వారిని మన రుచులతో ఆశ్చర్యపర్చుతున్న ప్రభాస్‌

యంగ్‌ రెబల్‌ స్టార్‌ ప్రభాస్ ప్రస్తుతం ముంబయిలో ఆదిపురుష్‌ చిత్రం షూటింగ్‌ లో పాల్గొంటున్న విషయం తెల్సిందే. సినిమా చిత్రీకరణ గత మూడు నాలుగు వారాలుగా ఏకధాటిగా సాగుతోందట. ఇటీవలే దర్శకుడు ఓమ్‌ రౌత్‌ స్పందిస్తూ ప్రభాస్‌ తో వర్క్‌ ఎక్స్‌ పీరియన్స్‌ ను షేర్‌ చేసుకున్నాడు. ప్రభాస్‌ పై ప్రశంసల వర్షం కురిపించాడు. ప్రభాస్‌ యొక్క గొప్పతనంను చాటి చెప్పాడు. ఇక చిత్ర యూనిట్‌ సభ్యులు పలువురు ప్రస్తుతం ప్రభాస్‌ పెడుతున్న ఫుడ్‌ గురించి మాట్లాడుతున్నారు. ప్రభాస్‌ ఎక్కడకు వెళ్లినా తన సొంత కుక్‌ తోనే వండించుకుంటూ ఉంటాడు. భోజన ప్రియుడు అయిన ప్రభాస్‌ ప్రతి చోట కూడా తనకు మాత్రమే కాకుండా తన చుట్టు ఉన్న వారికి కూడా వింధు భోజనం పెట్టిస్తూ ఉంటాడు.

ప్రభాస్‌ తో వర్క్‌ చేసిన ప్రతి ఒక్కరికి కూడా ఆయన ఇంటి నుండి వచ్చే బోజనం గురించి తెలుసు. పది పదిహేను మందికి సరిపోయేంత భోజనంను ప్రభాస్‌ షూటింగ్ లో ఉన్న సమయంలో తీసుకు వస్తారు. ప్రభాస్‌ తో పాటు చిత్ర కీలక యూనిట్‌ సభ్యులు ఆ భోజనం చేస్తూ ఉంటారు. ముంబయి లో ప్రస్తుతం ఆది పురుష్‌ చిత్ర యూనిట్‌ సభ్యులకు తెలుగు వంటల రుచిని ప్రభాస్‌ రుచి చూపిస్తున్నాడు. ప్రభాస్‌ ఆదిపురుష్‌ చిత్రంలో కృతి సనన్‌ హీరోయిన్‌ సీతగా నటిస్తుండగా సైఫ్‌ అలీ ఖాన్‌ రావణుడి పాత్రలో కనిపించబోతున్నాడు. కీలక నటీనటులు మరియు సాంకేతిక నిపుణులు అందరికి కూడా ప్రభాస్‌ మన వంటలతో ఆశ్చర్యపర్చుతున్నాడట.

ప్రభాస్‌ మరి కొన్ని రోజుల్లో ఆదిపురుష్‌ షూటింగ్‌ ను ముగించుకుని హైదరాబాద్‌ వచ్చే అవకాశాలు ఉన్నాయి. ఆ వెంటనే రాధే శ్యామ్‌ షూటింగ్‌ లో ఆయన జాయిన్‌ అవుతాడని తెలుస్తోంది. రాధేశ్యామ్‌ సినిమా చివరి షెడ్యూల్‌ ఏర్పాట్లు జరుగుతున్నాయి. మరో వైపు సలార్‌ కొత్త షెడ్యూల్‌ కోసం గుజరాత్‌ లో ఏర్పాట్లు జరుగుతున్నట్లుగా వార్తలు వస్తున్నాయి. ఈ సినిమాలు మాత్రమే కాకుండా నాగ్‌ అశ్విన్‌ దర్శకత్వంలో సినిమాను కూడా ప్రభాస్‌ చేయాల్సి ఉంది. అది జూన్‌ వరకు షూటింగ్‌ ప్రారంభం అయ్యే అవకాశాలున్నాయంటున్నారు.