రెండు పేజీల డైలాగ్ తో ప్రభాస్.. ఫ్యాన్స్ కి పూనకాలే..!

తానాజీ సినిమాతో తన టాలెంట్ చూపించి తన నెక్స్ట్ సినిమా బాహుబలి ప్రభాస్ తో చేశారు బాలీవుడ్ డైరెక్టర్ ఓం రౌత్. తన డైరెక్షన్ లో ప్రభాస్ హీరోగా వస్తున్న సినిమా ఆదిపురుష్. రామాయణ కథతో తెరకెక్కుతున్న ఈ మూవీలో రాముడు పాత్రలో ప్రభాస్ సీత పాత్రలో కృతి సనన్ నటిస్తున్నారు. సినిమాలో రావణాసురుడు పాత్రలో సైఫ్ అలి ఖాన్, లక్ష్మణుడిగా బాలీవుడ్ యాక్టర్ సన్నీ సింగ్ నటించారు. ఆదిపురుష్ టీజర్ రిలీజ్ కాగా ఆ గ్రాఫిక్స్ గురించి చాలా పెద్ద హంగామా జరిగింది.

అసలేమాత్రం ఆకట్టుకోలేని ఆ గ్రాఫిక్స్ తో ఆదిపురుష్ టీజర్ మీద విపరీతమైన విమర్శలు వచ్చాయి. అయితే సినిమాపై ఇది చాలా నష్టం తెస్తుందని భావించి వెంటనే నిర్మాతలు మరో 100 కోట్లు కేటాయించి సినిమా గ్రాఫిక్స్ కు ఖర్చు పెట్టాలని ఫిక్స్ అయ్యారు. ముందుగా ఆదిపురుష్ సినిమా 450 కోట్ల బడ్జెట్ అనుకోగా ఇప్పుడు మరో 100 కోట్లు యాడ్ అవడంతో సినిమాకు 550 కోట్ల దాకా బడ్జెట్ పెట్టినట్టు తెలుస్తుంది. ఈ సినిమా కోసం ప్రభాస్ 100 కోట్ల దాకా రెమ్యునరేషన్ తీసుకున్నట్టు టాక్.

అంతేకాదు సినిమాలో ప్రభాస్ ఓ రెండు పేజీల డైలాగ్ కూడా చెప్పినట్టు తెలుస్తుంది. సినిమాలో రాముడి ఆలోచన విధానాన్ని చెప్పేలా ఒక రెండు పేజీల డైలాగ్ సిద్ధం చేశారట. ఆ డైలాగ్ ని ప్రభాస్ అద్భుతంగా చెప్పినట్టు తెలుస్తుంది. ప్రభాస్ కెరీర్ లో ఇప్పటివరకు ఇలాంటి డైలాగ్ చెప్పలేదు. ఈ డైలాగ్ సినిమాలో హైలెట్ గా ఉంటుందని ఈ సీన్ లో ప్రభాస్ ఫ్యాన్స్ అంతా థియేటర్స్ లో విజిల్స్ వేయడం పక్కా అని అంటున్నారు.

ఆదిపురుష్ సినిమా అసలైతే ఈ సంక్రాంతికి రిలీజ్ చేయాలని అనుకున్నారు. కానీ గ్రాఫిక్స్ లేట్ అవడం వల్ల జూన్ కి వాయిదా వేశారు. జూన్ 16న ఆదిపురుష్ రిలీజ్ డేట్ ప్రకటించారు. మరి ఆ డేట్ కు అయినా సినిమా వస్తుందా లేదా అన్నది తెలియాల్సి ఉంది. బాలీవుడ్ మేకర్స్ తో ప్రభాస్ ఫస్ట్ టైం కలిసి చేసిన ఆదిపురుష్ తప్పకుండా నేషనల్ వైడ్ గా మరో సెన్సేషన్ సృష్టిస్తుందని అంటున్నారు.

నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.