భాగమతిలో బాహుబలి-ఏంటి కథ?

రేపు విడుదల కాబోతున్న భాగమతి కోసం అనుష్క ఫాన్స్ మాత్రమే కాదు సినిమా ప్రేమికులు కూడా ఆసక్తిగా ఎదురు చూస్తున్నారు. అరుంధతి తరహాలో అవుట్ అండ్ అవుట్ హారర్ యాక్షన్ ఎంటర్టైనర్ గా దర్శకుడు అశోక్ దీన్ని తీర్చిదిద్దినట్టు ట్రైలర్ ను బట్టి అర్థమవుతోంది కాని అందరి దృష్టి ఫ్లాష్ బ్యాక్ లో చాలా కొత్తగా మాస్ లుక్ లో కనిపిస్తున్న భాగమతి రాణి మీదే ఉంది. ఆ బంగాళాలో తను ఎందుకు ఉంది, ఎలా చనిపోయింది అనే దాని మీద రకరకాల ఊహాగానాలు ఉన్నాయి. ఇప్పుడు భాగమతి ప్రభాస్ ఫాన్స్ కు కూడా హాట్ టాపిక్ గా మారింది. కారణం నిన్న విడుదల చేసిన భాగమతి ప్రమోషనల్ వీడియోలో ఒక ఫ్రేంలో ప్రభాస్ తళుక్కున మెరిసి మాయమవ్వడం. అందులో ప్రభాస్ మొహానికి కర్చీఫ్ కట్టుకున్నా ఈజీగా గుర్తు పట్టేసారు ఫాన్స్.

ఇందులో ఏమైనా సర్ ప్రైజ్ క్యామియో ఏమైనా చేసాడా అనే అంచనాలు వేస్తున్నారు ఫాన్స్. సాహో తీస్తోంది కూడా అదే సంస్థ కాబట్టి తనకున్న అనుబంధాన్ని బేస్ చేసుకుని ప్రభాస్ వచ్చుంటాడు తప్ప ప్రత్యేకించి ఇంకే కారణం ఉండదు అనే వెర్షన్ ఆల్రెడీ ఉన్నప్పటికీ ఇప్పుడు మరో లెక్క బయటికి వస్తోంది. మామూలుగా మేకింగ్ వీడియోస్ లో సినిమా సెట్ కు ఎవరెవరు వచ్చారు అని చూపించడం సహజం. ఇది అన్ని సినిమాల విషయంలో జరిగేదే. అలాంటప్పుడు ప్రభాస్ మొహానికి మాస్క్ లాగా కర్చీఫ్ ఎందుకు నేరుగా బయటికే చూపించుకోవచ్చుగా అనే ప్రశ్నకు మాత్రం సమాధానం అక్కడ అప్పటికే ఉన్న డస్ట్ వల్ల అలెర్జీ రావొచ్చు అనే కారణంతో అని తెలిసింది.

అనుష్క-ప్రభాస్ ల మధ్య ప్రేమ పెళ్లి గురించి రకరకాల వార్తలు ఇప్పటికే విపరీతమైన ప్రచారంలో ఉన్న నేపధ్యంలో ఏ చిన్న క్లూని ఫాన్స్ కాని మీడియా కాని వదలటం లేదు. అందుకే ఇప్పుడు భాగమతి సెట్ లో బాహుబలి ఉన్న ఫోటో అంటూ వీటిని వైరల్ గా షేర్ చేస్తున్నారు. బాహుబలి తర్వాత సాహో చేస్తున్న ప్రభాస్ షూటింగ్ లో జరుగుతున్న జాప్యం వాళ్ళ ఈ ఏడాది రావడం కష్టమే. అనుష్క గౌతం మీనన్ తో ఒక మల్టీ స్టారర్ లో నటించే అవకాశం ఉంది. ఈ ఇద్దరు కాంబోలో గతంలో అజిత్ హీరోగా ఎంతవాడు గాని వచ్చిన సంగతి తెలిసిందే.