ఆయన డైరెక్షన్ లో చేయాలని ఉందన్న ప్రభాస్..!

రెబల్ స్టార్ ప్రభాస్ బాహుబలి తో తన స్థాయిని పాన్ ఇండియా రేంజ్ కు పెంచుకున్నాడు. బాహుబలి తర్వాత తన ప్రతి సినిమా నేషనల్ వైడ్ రిలీజ్ ప్లాన్ చేస్తున్నారు ప్రభాస్. అలాంటి ప్రభాస్ తనకు ఒకరి డైరెక్షన్ లో సినిమా చేయాలని ఉందని చెప్పాడు. లేటెస్ట్ గా బాలకృష్ణ అన్ స్టాపబుల్ షో లో గెస్ట్ గా వచ్చిన బాలయ్య ఆ షోలో తనకు డైరెక్టర్స్ లో మణిరత్నం గారంటే ఇష్టమని చెప్పాడు. ఆయన డైరెక్షన్ లో సినిమా చేయాలని ఉందన్న ఆసక్తిని చెప్పాడు ప్రభాస్.

ఆయనతో పాటు బాపు గారి డైరెక్షన్ అంటే ఇష్టమని అన్నారు ప్రభాస్. బాపు గారి డైరెక్షన్ చేస్తున్నారనే తాను శ్రీరామరాజ్యం చేశానని అన్నారు బాలయ్య. పెదనాన్నతో భక్త కన్నప్ప తీసింది కూడా బాపు గారే అన్న విషయాన్ని గుర్తు చేసుకున్నారు. బాపు గారి డైరెక్షన్ లో ప్రభాస్ సినిమా ఎలాగు చూడలేకపోయాం. సో ప్రభాస్ తనకు ఇష్టమైన మణిరత్నం డైరెక్షన్ లో అయినా సినిమా చేస్తాడేమో చూడాలి.

ప్రభాస్ చేస్తాను అంటే మణిరత్నం కూడా ఆయనకు తగిన కథ సిద్ధం చేసి సినిమా చేసే అవకాశం ఉంది. ప్రభాస్ మణిరత్నం సినిమా అంటే ఆ మూవీ రేంజ్ వేరే లెవల్ లో ఉంటుంది. ప్రస్తుతం ప్రభాస్ సలార్, ఆదిపురుష్, ప్రాజెక్ట్ కె, రాజా డీలక్స్ సినిమాలతో బిజీగా ఉన్నారు. ఈ సినిమాలన్ని పూర్తయ్యాక కానీ ప్రభాస్ తన నెక్స్ట్ సినిమా చేసే ఛాన్స్ లేదు. సందీప్ వంగతో స్పిరిట్ కూడా ఈ సినిమాల తర్వాతనే ఉంటుందని తెలుస్తుంది.

బాహుబలి వేసిన బాటలోనే మణిరత్నం పిఎస్ 1 సినిమా చేశారు. ఆ సినిమా తమిళంలో సూపర్ హిట్ గా నిలిచింది. పిఎస్ 2 కూడా నెక్స్ట్ ఇయర్ రిలీజ్ ప్లాన్ చేస్తున్నారు. ప్రభాస్ మణిరత్నం డైరెక్షన్ లో సినిమా చేయాలని ఉందన్న కోరిక బయటపెట్టగా మణిరత్నం కూడా అందుకు ఓకే అంటే మాత్రం మరో భారీ ప్రాజెక్ట్ ప్రేక్షకుల ముందుకు వచ్చే అవకాశం ఉంటుంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.