ఫోటో స్టొరీ: రెబెల్ స్టార్లే.. కానీ ఆల్ స్మైల్స్

మొదటిసారి ప్యాన్ ఇండియా స్టార్ ఎలా ఉంటాడు అనే విషయం అందరికీ చూపించిన హీరో యంగ్ రెబెల్ స్టార్ ప్రభాస్. ఈమాటంటే ఇంకా కొంతమంది తెలుగువారు ఒప్పుకోకపోవచ్చు కానీ నెగెటివ్ టాక్ వచ్చిన సినిమాను హిందీ లో హిట్ చేయడం అనేది సల్మాన్ లాంటి అతి తక్కువ మందికి మాత్రమే సాధ్యం. ప్రభాస్ సరిగ్గా ఋజువు చేసిందదే.

ప్రభాస్ కు ఎంత క్రేజ్ వచ్చినా..ఎంత స్థాయికి ఎదిగినా దాని వెనక పెదనాన్న కృష్ణంరాజుగారి సపోర్ట్ ఉందనే విషయం ఎవరూ విస్మరించలేనిది. ప్రభాస్ సాధించిన ఘనతలు చూసి ఆయన ఎంతో గర్వపడతరన్నది కూడా నిజం. రీసెంట్ గా ప్రభాస్ తన పెదనాన్న కుటుంబంతో కలిసి ఏదో వెకేషన్ లో ఎంజాయ్ చేస్తున్న పిక్ ఒకటి సోషల్ మీడియాలో బయటకు రావడం ఆలస్యం.. వెంటనే వైరల్ గా మారింది. ఈ ఫోటోలో ప్రభాస్ తో పాటు పెదనాన్న.. పెద్దమ్మ.. ఒక కజిన్ ఉన్నారు. వారి నవ్వు చూస్తేనే మనకు ప్రభాస్ తన కుటుంబానికి ఎంత సన్నిహితంగా ఉంటాడో అర్థం అవుతుంది. రెబెల్ స్టార్ కృష్ణంరాజు గారు ఈ వయసులో కూడా యమా స్టైలిష్ గా ఉన్నారు.

ప్రభాస్ సినిమాల విషయానికి వస్తే నవంబర్ నుంచి రాధాకృష్ణ కుమార్ దర్శకత్వంలో 'జాన్' సినిమాలో పాల్గొనబోతున్నాడు. యాక్షన్ సన్నివేశాలు లేకుండా ప్యూర్ లవ్ స్టొరీగా ఈ సినిమా తెరకెక్కుతుందని.. ఈ సినిమా ప్రేక్షకులకు ఒక విభిన్న అనుభూతినివ్వడం ఖాయమనే టాక్ వినిపిస్తోంది.