సుక్కుతో ప్ర‌భాస్‌.. అంతా తూచ్ అంటున్నారే!

'బాహుబ‌లి'తో పాన్ ఇండియా స్టార్ ల జాబితాలో చేరిపోయినా ప్ర‌భాస్‌.. 'పుష్ప‌'తో అదే స్థాయిలో పాన్ ఇండియా డైరెక్ట‌ర్ అనిపించుకుంటున్న సుకుమార్ క‌లిస్తే ఎలా వుంటుంది?.. బాక్సాఫీస్ ద‌ద్ద‌రిల్లిపోతుంది. ఇదే ఆలోచ‌న‌తో వీరిద్ద‌రి కాంబినేష‌న్ లో ఓ భారీ పాన్ ఇండియా మూవీ త్వ‌ర‌లో సెట్స్ పైకి రాబోతోందంటూ గ‌త కొన్ని రోజులుగా వ‌రుస క‌థ‌నాలు వినిపిస్తున్న విష‌యం తెలిసిందే. ప్ర‌భాస్ స్టార్ డైరెక్ట‌ర్ సుకుమార్ తో సినిమాకు గ్రీన్ సిగ్న‌ల్ ఇచ్చేశాడ‌ని, ఈ ప్రాజెక్ట్ ని 2024లో సెట్స్ పైకి తీసుకెళ్ల‌నున్నార‌ని ఓ వార్త తాజాగా బ‌య‌టికొచ్చి వైర‌ల్ గా మారింది.

అంతే కాకుండా రీసెంట్ గా సుకుమార్ ఓ ఎక్స్ లెంట్ ఐడియాని ప్ర‌భాస్ కు వినిపించాడ‌ని, స్టోరీలైన్ అద్భుతంగా వుండ‌టంతో ప్ర‌భాస్ .. సుక్కుతో ప్రాజెక్ట్ కు గ్రీన్ సిగ్న‌ల్ ఇచ్చేశాడ‌ని వార్త‌లొచ్చాయి. ఇక ఈ మూవీని రీసెంట్ గా ది క‌శ్మీర్ ఫైల్స్‌, కార్తికేయ 2 వంటి క్రేజీ ప్రాజెక్ట్ ల‌ని నిర్మించిన అభిషేక్ అగ‌ర్వాల్ ఆర్ట్స్ అధినేత అభిషేక్ అగ‌ర్వాల్ ఈ ప్రెస్టేజియ‌స్ ప్రాజెక్ట్ ని నిర్మించ‌నున్నార‌ని, 'ది క‌శ్మీర్ ఫైల్స్' డైరెక్ట‌ర్ వివేక్ అగ్నిహోత్రి ఈ ప్రెస్టీజియ‌స్ ప్రాజెక్ట్ కు స‌హ నిర్మాత‌గా వ్యవ‌హ‌రించే అవ‌కాశం వుందని ఇండ‌స్ట్రీ వ‌ర్గాల్లో వినిపించింది.

ఇక ఈ ప్రాజెక్ట్ కోస‌మే రీసెంట్ గా అభిషేక్ అగ‌ర్వాల్, వివేక్ అగ్నిహోత్రి.. సుకుమార్ తో క‌లిసి కొన్ని ఫొటోల‌ని మీడియాకు షేర్ చేశార‌నే వార్త‌లు వినిపిస్తున్నాయి. అయితే ఈ వార్త‌ల్లో ఎలాంటి వాస్త‌వం లేద‌ని, ఏదైనా వుంటే తామే స్వ‌యంగా ప్ర‌క‌టిస్తామ‌ని త‌మ సంస్థ‌పై వ‌స్తున్న వార్త‌ల్లో నిజం లేద‌ని ప్ర‌క‌టించారు. గ‌త కొన్ని వారాలుగా అభిషేక్ అగ‌ర్వాల్ ఆర్ట్స్ భారీ ప్రాజెక్ట్ ల‌లో భాగ‌స్వామ్యం కాబోతోందంటూ వ‌రుస క‌థ‌నాలు మీడియాతో పాటు సోష‌ల్ మీడియాలోనూ వినిపిస్తున్నాయి.

ఈ వార్త‌ల‌పై స్ప‌ష్ట‌త ఇవ్వాల‌నుకుంటున్నాం. ఇవి నిరాధార‌మైన వార్త‌లు మాత్ర‌మే. ఇందులో ఎలాంటి నిజం లేదు. మా సంస్థ నుంచి ఏదైనా ప్ర‌తిష్టాత్మ‌క‌మైన ప్రాజెక్ట్ ని చేస్తే ఖ‌చ్చితంగా మేమే అవిష‌యాన్ని మీడియాకు అధికారిక సోష‌ల్ మీడియా హ్యాండిల్స్ ద్వారా తెలియ‌జేస్తాం. ప్ర‌స్తుతం మేము కొన్ని భారీ ప్రాజెక్ట‌లలో నిమ‌గ్న‌మై వున్నాము. అందుకు సంబంధించిన అప్ డేట్ ల‌ని త్వ‌ర‌లో తెలియ‌జేస్తాం అంటూ వివ‌ర‌ణ ఇస్తూనే సుక్కు, ప్ర‌భాస్ ప్రాజెక్ట్ అంతా తూచ్ అనేశారు.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.