మెగాస్టార్ స్టెప్పులు చూసి తీరాల్సిందే

బాలీవుడ్ మెగాస్టార్ అమితాబ్ బచ్చన్ ప్రేరణతో సినీ ఇండస్ట్రీలోకి అడుగు పెట్టినవారు ఎందరో ఉన్నారని చెప్పాలి. ఆయన చేసిన సినిమాలు ఇప్పటికి కూడా టీవీల్లో వస్తే చూడకుండా ఉండలేరు. ఒక్క డైలాగ్ చెబితే చాలు అభిమానుల విజిల్స్ కి థియేటర్స్ మొత్తం దద్దరిల్లి పోయేవి. ఇక బిగ్ బి స్టెప్పులంటే చాలు ఎంతటివారైనా ఈజిగా ఇష్టంగా చేసేస్తారు. అయితే ఆయన అప్పటిలా సినిమాలు చేయకపోయినా ఇంకా తనదైన శైలి నటనతో ఆకట్టుకుంటున్నారు.

ఇకపోతే చాలా రోజుల తర్వాత బిగ్ బి మళ్లీ ఉర్రుతలూగించే స్టెప్పులు వేయబోతున్నారు. ఈ విషయాన్ని ఆయనే స్వయంగా వారి ట్విట్టర్ అకౌంట్ ద్వారా అభిమానులతో షేర్ చేసుకున్నారు. త్వరలో ప్రభుదేవా కోరియేగ్రఫీలో 70 ఏళ్ల వయసులో ఉన్న తను స్టెప్పులు వేయబోతున్నట్లు చెప్పిన అమితాబ్ ప్రాక్టీస్ కూడా చేస్తున్నట్లు చెప్పారు. దీంతో అభిమానుల ఆనందానికి అవధులు లేకుండా పోయాయి. అమితాబ్ చెప్పిన గుడ్ న్యూస్ కి ఎవరి స్టైల్ లో వారు పాజిటివ్ గా కామెంట్ చేస్తున్నారు.

అయితే ఏ సినిమా కోసం చేస్తున్నారన్న విషయం మాత్రం ఆయన చెప్పలేద కాని.. థగ్స్ ఆఫ్‌ హిందొస్తాన్ సినిమా కోసం ఈ పాటను ప్రభుదేవా షూట్ చేస్తున్నట్లు తెలుస్తోంది. ఈ సినిమాలో ఆయన స్పెషల్ రోల్ లో కనిపిస్తున్నారు. అలాగే బెంగాల్ మూవీ మయూరాక్షి టీజర్ ని షేర్ చేస్తూ.. బెంగాల్ సూపర్ స్టార్ ప్రోసేంజిత్ కి చిత్రం మంచి విజయాన్ని అందించాలని విషెస్ ని అందించారు. అమితాబ్ బచ్చన్ ప్రస్తుతం 102 నాట్ అవుట్ - పద్మన్ సినిమాల్లో నటిస్తున్నారు.