విక్ర‌మార్కుడు సీక్వెల్ ఎట్ట‌కేల‌కు?!

మాస్ మ‌హారాజా ర‌వితేజ న‌టించిన `విక్ర‌మార్కుడు` ఎంత‌టి సెన్సేష‌నో తెలిసిందే. అత్తిలి స‌త్తి కం ప‌వ‌ర్ ఫుల్ పోలీసాఫీస‌ర్ గా ర‌వితేజ అస‌మాన న‌ట‌న‌కు అభిమానులు బ్ర‌హ్మ‌ర‌థం ప‌ట్టిన సంగ‌తి తెలిసిందే. ఆ సినిమాకి సీక్వెల్ స్టోరి రెడీ అవుతోందంటే ఏళ్ల త‌ర‌బ‌డి ప్ర‌చారం సాగుతూనే ఉంది. అయితే ఇదిగో పులి అంటే అదిగో మేక అన్న చందంగా అస‌లు ఆ సినిమా ప‌ట్టాలెక్కింది లేదు కానీ.. ప్ర‌చారార్భాటం మాత్రం సాగుతోంది. ఇంత‌కీ విక్ర‌మార్కుడు సీక్వెల్ ఉంటుందా.. ఉండ‌దా? అన్న‌దానికి అటు రాజ‌మౌళి కానీ.. క‌థారచ‌యిత విజ‌యేంద్ర ప్ర‌సాద్ కానీ స‌రైన‌ స‌మాధానం ఇవ్వ‌లేదు.

రివితేజ `విక్ర‌మార్కుడు` ఫ్యాన్స్ మాత్రం ఇప్ప‌టికీ సీక్వెల్ వ‌స్తుంది! అనే ఆశ‌గా వేచి చూస్తున్నారు. అయితే ఎట్ట‌కేల‌కు దీనిపై ఓ అప్ డేట్ వ‌చ్చింది. అది కూడా ద‌ర్శ‌కుడు ప్ర‌భుదేవా నుంచి వ‌చ్చిన అప్ డేట్ ఇది. కిలాడీ అక్ష‌య్ కుమార్ తో రౌడీ రాధోర్ సీక్వెల్ చేస్తున్నాన‌ని ప్ర‌భుదేవా ప్ర‌క‌టించ‌డం ఆస‌క్తిని రేకెత్తిస్తోంది. రౌడీ రాధోర్ లాంటి బ్లాక్ బ‌స్ట‌ర్ తీసిన‌ ప్ర‌భుదేవా స్వ‌యంగా ప్ర‌క‌టించ‌డంతో ఇటు తెలుగు అభిమానుల్లోనూ ఉత్కంఠ నెల‌కొంది. ఇంత‌కాలానికి తిరిగి క‌ద‌లిక మొద‌లైంది. ఒక‌వేళ సీక్వెల్ తీస్తే విక్ర‌మార్కుడు 2లో ర‌వితేజ న‌టిస్తారా? అన్న సందేహం ఉంది. దీనిపై విజ‌యేంద్రుడు క్లారిటీనిస్తారేమో చూడాలి. రౌడీ రాధోర్ సీక్వెల్ క‌థ‌ని విజ‌యేంద్రుడు ఇప్ప‌టికే రాసేశారా.. లేక రాస్తున్నారా? అన్న‌ది చూడాలి. ఇక క‌థ‌ను డెవ‌ల‌ప్ చేస్తున్నామ‌ని ప్ర‌భుదేవా అన్నారు కాబ‌ట్టి.. ప్ర‌భుదేవా- విజ‌యేంద్ర ప్ర‌సాద్ జోడీ క‌లిసి ప‌ని చేస్తున్నార‌ని భావించ‌వ‌చ్చు.

మ‌రోవైపు విజ‌యేంద్ర ప్ర‌సాద్ ఇండియాలోనే ఠ‌ఫ్‌ బిజీ రైట‌ర్. ఆయ‌న ప్ర‌స్తుతం కంగ‌న - జ‌య‌ల‌లిత బ‌యోపిక్ .. ఆర్.ఆర్.ఆర్ చిత్రాల‌తో బిజీగా ఉన్నారు. ఇక వీటితో పాటు ఇత‌ర‌త్రా కొత్త క‌థ‌ల‌పైనా ఆయ‌న దృష్టి సారించార‌ని తెలుస్తోంది. మ‌రి విక్ర‌మార్కుడు సీక్వెల్ గురించిన అప్ డేట్ ఆయ‌న నోటి నుంచి వినిపిస్తుందేమో కాస్త ఆగి చూడాలి. రౌడీ రాధోర్ చిత్రంలో అక్షయ్‌ కు జోడీగా సోనాక్షి సిన్హా నటించింది. సీక్వెల్‌ లో క‌థానాయిక ఎవ‌రు? అన్న‌ది ప్ర‌క‌టించాల్సి ఉంటుంది. వచ్చే ఏడాది ఈ చిత్రం సెట్స్‌కెళ్లే ఛాన్సుంద‌ట‌. అంటే ఈ ఏడాది చివ‌రి నాటికి పూర్తి వివ‌రాలు తెలుస్తాయ‌న్న‌మాట‌.