హీరోయిన్ కి మాజీ లవరే విలన్

సౌత్ బ్యూటీ నయనతారకు సంబంధించిన ఏ అప్ డేట్ అయినా.. వైరల్ గా స్ప్రెడ్ అవుతూ ఉంటుంది. స్టార్ హీరోయిన్ గా.. క్రౌడ్ పుల్లర్ గా ఈమె సంపాదించుకున్న ఇమేజ్ అలాంటిది. అయితే.. ఇప్పుడు ప్రభుదేవాతో ఈమె కలిసి నటించనుందన్న వార్త మీడియాలో హల్ చల్ చేయడానికి.. ఆమె క్రేజ్ కారణం కాదు.

గతంలో వీరిద్దరి మధ్య సాగిన ప్రేమ వ్యవహారమే అసలు రీజన్. దాదాపు పెళ్లి పీటల వరకూ వచ్చిన నయన్-ప్రభుదేవా.. ఆ తర్వాత విడిపోయారు. ఇప్పుడీ భామతో ఓ సినిమాలో నటించేందుకు మాజీ లవర్ ఒప్పుకున్నాడట. అది కూడా విలన్ రోల్ చేయబోతున్నట్లు చెబుతున్నారు. బిల్లా-2 ఫేమ్ చక్రి తోలేటి దర్శక్తవంలో కొలైయుధీర్ కాలం అనే సినిమా తెరకెక్కనుంది. ఇది కూడా ఫిమేల్ సెంట్రిక్ సబ్జెక్ట్ కాగా.. దీని హిందీ వెర్షన్ లో తమన్నా యాక్ట్ చేయనుంది. తమన్నాకు విలన్ గా ప్రభుదేవా యాక్ట్ చేస్తాడనే టాక్ ఇప్పటికే ఉంది.

ఇప్పుడు ప్రభుదేవాను తమిళ్ వెర్షన్ లో కూడా విలన్ గా చేసేందుకు ఒప్పించారట. ప్రొఫెషన్ పరంగా చాలా ప్రొఫెషనల్ గా వ్యవహరించే నయనతార కూడా ఏ మాత్రం అభ్యంతర పెట్టలేదని తెలుస్తోంది. ఇప్పటికే ఇదు నమ్మ ఆళు చిత్రంలో.. నయన్ కు హీరో మరో మాజీ లవర్ శింబు నటించాడు. అప్పుడే అభ్యంతరపెట్టని నయన తార.. ఇప్పుడు ప్రభుదేవా విలన్ అంటే ఎందుకు అబ్జెక్షన్స్ చెబుతుంది?


Like Us on Facebook : https://www.facebook.com/Tupakidotcom/