పిక్ టాక్ : విదేశీ వీధుల్లో అఖండ బ్యూటీ అందాల ఆరబోత

అఖండతో బ్రహ్మాండమైన బ్లాక్​బస్టర్​ హిట్ కొట్టిన ప్రగ్యా జైస్వాల్ ప్రస్తుతం విదేశాల్లో విహారయాత్రకు వెళ్లారు. నచ్చిన ప్రదేశాలకు వెళ్తూ హ్యాపీగా ఎంజాయ్ చేస్తున్నారు. అద్భుతమైన లొకేషన్లలో.. అందమైన పోజుల్లో ఫొటోలు దిగుతూ సోషల్ మీడియాలో తన ఫ్యాన్స్​తో పంచుకుంటున్నారు. తాజాగా ఆమె తన ఇన్​స్టాలో షేర్ చేసిన ఫొటోలు తెగ వైరల్ అవుతున్నాయి. క్యూట్ ప్రగ్యా.. బ్యూటీఫుల్ ప్రగ్యా అంటూ ఫ్యాన్స్ కామెంట్లు కూడా పెడుతున్నారు.

కంచెతో మొదటి సినిమాతోనే ఫ్యాన్​ బేస్​ను క్రియేట్ చేసుకున్న ప్రగ్యా సినిమాల ఎంపికలో మాత్రం ఆచితూచి అడుగువేయలేక పోయారు. అందివచ్చిన అవకాశాలు అందిపుచ్చుకోవడంలో ఆమె చాలా వరకు విఫలమయ్యారు. తనతో పాటే ఎంట్రీ ఇచ్చిన రాశిఖన్నా.. వాణీ కపూర్​లు.. ఇటు టాలీవుడ్​, బాలీవుడ్​లో దూసుకెళ్తోంటే. ప్రగ్యా మాత్రం అసలైన సక్సెస్ అందుకోలేకపోతున్నారు. ఇక కెరీర్ ఫేడ్ అవుట్ అయిపోయినట్లే అని భావిస్తున్న సమయంలో బాలకృష్ణ ఆమెపాలిట ఆదృష్టంలా వరించారు.

అఖండ రూపంలో ఆమె సినీకెరీర్​లోనే బ్రహ్మాండమైన బ్లాక్​బస్టర్​ను ఆమెకు బాలకృష్ణ గిఫ్ట్​గా ఇచ్చారు. అఖండ విజయంతో జోరు మీదున్న ప్రగ్యా.. ప్రస్తుతం విదేశీ విహారయాత్రలో బిజీబిజీగా ఉన్నారు.

ఫారెన్ వీధుల్లో పొట్టి షార్టులో హ్యాపీగా ఎంజాయ్ చేస్తున్న ఫొటోలు సోషల్ మీడియాలో షేర్ చేశారు. ఆ ఫొటోలు చూసిన ఆమె ఫ్యాన్స్ తెగ సంబురపడిపోతున్నారు. అఖండ వంటి బంపర్ హిట్ తర్వాత ఆ మాత్రం హ్యాపీ ట్రిప్ ఉండాలంటూ కామెంట్ చేస్తున్నారు. క్యూట్ ప్రగ్యా.. హాట్ ప్రగ్యా అంటూ కామెంట్ల వర్షం కురిపిస్తున్నారు.

కానీ అఖండ హిట్​ క్రెడిట్ అంతా బాలయ్య బాబు, బోయపాటికే దక్కిందని సినీవర్గాల్లో చర్చ నడుస్తోంది. సోలో హీరోయిన్​గా సక్సెస్ కొట్టినా ప్రగ్యా పట్ల దర్శకులు ఆసక్తి చూపడం లేదు. ఇటీవలే రిలీజ్ అయిన సన్ ఆఫ్ ఇండియా సినిమాలో ప్రగ్యా నటించారు. ఆ సినిమా ఆల్ టైం డిజాస్టర్​గా నిలిచింది. ప్రస్తుతం ఆమె చేతిలో ఆఫర్స్ ఏం లేవు. అయినా ఆమె నిరాశ చెందకుండా గ్యాప్ తీసుకుని విదేశాల్లో ఎంజాయ్ చేస్తున్నారు.

ప్రపంచ వ్యాప్తంగా అఖండ సినిమా అఖండ వసూళ్లను రాబట్టింది. వరల్డ్ వైడ్​గా అఖండ రూ. 115 కోట్లకు పైగా గ్రాస్ వసూళ్లు రాబట్టినట్లు సమాచారం. ఈ మూవీ 2021 టాలీవుడ్ టాప్ గ్రాసర్స్ లో ఒకటిగా నిలిచింది.