ఖైదీ పాటకి మైఖేల్ జాక్సన్ స్టెప్పులు

మెగాస్టార్ చిరంజీవి డ్యాన్స్ అంటేనే సెన్సేషన్. ఆయన వేసే సిగ్నేచర్ స్టెప్స్ అయితే జనాల్లో కలకాలం గుర్తుండిపోతాయి. 2002లో అంటే 15 ఏళ్ల క్రితం విడుదలైన ఇంద్ర మూవీలో మెగాస్టార్ వేసిన వీణ స్టెప్.. ఇప్పటికీ టాప్ ట్రెండింగ్ లో ఉంటుంది. ఈ మధ్యన అందాల టాలీవుడ్ భామలందరూ అవార్డ్ ఫంక్షన్స్ లో ఈ స్టెప్ వేసి అదరగొట్టేశారు కూడా.

సినీ మా అవార్డ్ ఫంక్షన్ లో కంచె బ్యూటీ ప్రగ్యా జైస్వాల్ వీణ స్టెప్ వేసి అలరించింది. మెగాస్టార్ పై తన అభిమానాన్ని చాటుకుంది. ఇప్పుడు ఐఫా ఉత్సవంలోనూ మెగా సాంగ్ ను రిపీట్ చేసింది ప్రగ్య. అసలు ఎంట్రీ కోసమే చిరు లేటెస్ట్ మూవీ 'ఖైదీ నంబర్ 150'లోని సుందరి సాంగ్ బీట్ ను ఎంచుకున్న ఈ బ్యూటీ.. ఆ తర్వాత ఇదే పాటకు అదిరిపోయే డ్యాన్స్ వేసింది. కాకపోతే ఒక ట్విస్ట్ ఇచ్చేసింది. ఖైదీ నంబర్ 150 మూవీలో 'సన్నజాజిలా.. పుట్టేసిందిరో' పాటకు మైకేల్ జాక్సన్ థ్రిల్లర్ బీట్స్ ను మిక్స్ చేసి.. రీమిక్స్ చేసిన సాంగ్ కు డ్యాన్స్ చేసింది ప్రగ్యా జైస్వాల్.

ఒకవైపు మెగాస్టార్ సాంగ్.. అది కూడా మైకేల్ జాక్సన్ బీట్ తో రీమిక్స్.. ఈ కాంబో కారణంగా కంచెలు తెంచేసుకుని మరీ సూపర్ స్పీడ్ తో డ్యాన్స్ వేసేసింది ప్రగ్యా జైస్వాల్. ఏమైనా మెగా ఫ్యాన్స్ ను ఎలా పటాయించాలో ఈ భామకు వ్యవహారం బాగా వంట పట్టేసినట్లుగా ఉంది.



Like Us on Facebook : https://www.facebook.com/Tupakidotcom/