ఫ‌స్ట్ లుక్ః భ‌క్తి చిత్రానికి గ్లామ‌ర్ అలంకారం

ముందు వేంక‌టేశ్వ‌రుడిగా సౌరభ్ జైన్ ను చూపించారు. ఆ త‌ర్వాత హ‌థీరాం బాబాగా అక్కినేని నాగార్జున కూడా ద‌ర్శ‌న‌మిచ్చాడు. మ‌ధ్య‌లో కృష్ణ‌మ్మ‌గా అనుష్క క‌నిపించింది. ఇప్పుడిక ప్ర‌గ్యా జైశ్వాల్ వంతు వ‌చ్చింది. న‌ర్త‌కి పాత్ర‌లో ఆమె ఫ‌స్ట్ లుక్ ను అనుకోకుండా రిలీజ్ చేసింది ‘ఓం న‌మోం వెంక‌టేశాయ’ యూనిట్. ప‌ట్టు ప‌రికిణీని ప‌రిచేసి నృత్యం చేస్తున్న ప్ర‌గ్యా భ‌లే అందంగా ఉంది ఈ ఫ‌స్ట్ లుక్ మోష‌న్ పోస్ట‌ర్లో.

‘ఓం న‌మో వెంక‌టేశాయ‌’కు గ్లామ‌ర్ హంగులు అద్ద‌డానికే రాఘ‌వేంద్రుడు ప్ర‌గ్యాను తీసుకున్న‌ట్లుగా వ‌స్తున్న వార్త‌లు నిజ‌మే అనిపిస్తోంది ఈ పోస్ట‌ర్ చూస్తే. ప్ర‌గ్యా అందంగానే కాక‌.. కొంచెం హాట్ గానూ క‌నిపిస్తోంది. మ‌రోవైపు ఈ చిత్రంలో విమ‌లా రామ‌న్ కూడా న‌టిస్తోంది. ఆమె లుక్ ను కూడా త్వ‌ర‌లోనే రిలీజ్ చేయ‌నున్నారు.

ఇప్ప‌టికే షూటింగ్ దాదాపుగా పూర్తి చేసుకున్న ‘ఓం న‌మో వెంక‌టేశాయ చిత్రాన్ని ఫిబ్ర‌వ‌రిలో రిలీజ్ చేసే అవ‌కాశాలున్నాయి. ముందు సంక్రాంతికి అనుకున్నారు కానీ.. విజువ‌ల్ ఎఫెక్ట్స్.. గ్రాఫిక్స్ వ‌ర్క్ లేట‌వుతుండ‌టంతో కుదిరేట్లు లేదు. ఇంత‌కుముందు నాగ్-రాఘ‌వేంద్ర‌రావు కాంబినేష‌న్లో వ‌చ్చిన ‘షిరిడి సాయి’ చిత్రాన్ని నిర్మించిన మ‌హేష్ రెడ్డే ఈ చిత్రాన్ని కూడా నిర్మిస్తున్నాడు. కీర‌వాణి సంగీత ద‌ర్శ‌కుడు.



Like Us on Facebook : https://www.facebook.com/Tupakidotcom/