మొదటి సినిమాకి కంచె కట్టేశావా!?

వరుణ్ తేజ్ హీరోగా.. క్రిష్ దర్శకత్వంలో తెరకెక్కిన కంచె చిత్రంలో నటించిన హీరోయిన్ ప్రగ్యా జైస్వాల్ కు.. ఆ మూవీ బాగా కలిసొచ్చేసింది. అటు ఫేమ్ తో పాటు ఇటు ఆఫర్లను కూడా తెచ్చిపెట్టేసింది. వీటన్నిటితో పాటు ఉత్తమ నూతన నటి అవార్డులను కూడా తెచ్చిపెట్టింది కంచె.

ఒకటి కాదు.. రెండు కాదు.. ఈ ఏడాది ఏకంగా అరడజన్ ప్రెస్టీజియస్ ఈవెంట్స్ లో బెస్ట్ డిబట్ యాక్ట్రస్ అవార్డ్ అందుకుంది కంచె ఈ అవార్డ్ అందుకుంది ప్రగ్యా జైస్వాల్. వీటిలో ఫిలింఫేర్ కూడా ఉండడం విశేషం. ఈఏడాది నాకు బాగా అచ్చొచ్చిందంటూ.. కంచెకు అవార్డులు అందుకుంటున్న ఫోటోలను అన్నీ ఒకచోటకు చేర్చి 2016 కేక అంటోంది. అయితే.. అసలు విషయం ఒకటి చెప్పుకోవాలి. ప్రగ్యా జైస్వాల్ పరిచయమైన మూవీ కంచె కాదు. అదే ఏడాది కంచె కంటే 3 నెలలు ముందే 'మిర్చి లాంటి కుర్రాడు' అనే మూవీ విడుదలైంది. అభిజిత్ అనే కుర్రాడితో రొమాన్స్ చేసినా.. ఆ మూవీ జనాలకు ఎక్కలేదు.

ఆ తర్వాత రిలీజ్ అయిన కంచె హిట్ అవడం.. తనకు పేరు రావడంతో అసలా మిర్చిలాంటి కుర్రాడిని మర్చిపోయినట్లుగా నటించేస్తోంది ప్రగ్యా జైస్వాల్. కనీసం.. కంచెకు తాను సైన్ చేసిన మొదటి మూవీ లాంటి కవరింగ్ కబుర్లు అయినా చెప్పి ఉంటే.. ఈ అవార్డులు అందుకునేందుకు జస్టిఫికేషన్ జరిగేది. అది కూడా లేకుండా.. కంచెతోనే తాను టాలీవుడ్ కి పరిచయం అయ్యానని చెప్పుకుంటూ తిరగడం కాదు కదా!


Like Us on Facebook : https://www.facebook.com/Tupakidotcom/