కావాల‌నే బ‌ట‌న్ ఓపెన్ చేస్తే ఎలా?

సీకే బ్యూటీ దిశా ప‌టానీ దీపావ‌ళి ట్రీట్ త‌ర్వాత అస‌లు సిసలైన మ‌జా మొద‌లైంది. దిశా త‌ర‌హాలోనే కంచె బ్యూటీ ప్ర‌గ్య జైశ్వాల్ టైట్ ఫిట్ స్పోర్ట్ డ్రెస్సులతో ఫ్యాన్స్ లో వైర‌ల్ గా మారింది. నిరంత‌రం సోష‌ల్ మీడియా యాక్టివిస్టుగా అంద‌రికీ ట‌చ్ లో ఉంటోంది. ఎప్ప‌టిక‌ప్పుడు యోగా- జిమ్ చేస్తున్న ఫోటోలు- వీడియోల్ని సోష‌ల్ మీడియాలో వైర‌ల్ గా ప్ర‌మోట్ చేస్తోంది ఈ బ్యూటీ. అయితే ప్ర‌గ్య ఎంత చేసినా ఇప్ప‌టివ‌ర‌కూ టాలీవుడ్ లో కానీ.. ఇత‌ర‌త్రా ప‌రిశ్ర‌మ‌ల్లో కానీ అవ‌కాశాలు అందుకోవ‌డంలో మాత్రం త‌డ‌బ‌డింద‌నే చెప్పాలి.

ప్ర‌తిసారీ ఏదో ఒక సెన్సేష‌న్ తో సోష‌ల్ మీడియాలో మాత్రం ట‌చ్ లో ఉంటున్న ఈ బ్యూటీ లేటెస్టుగా మ‌రో కొత్త కాన్సెప్టుతో అద‌ర‌గొడుతోంది. ఇటీవ‌లే జిప్ లెస్ ఫోజులో క‌నిపించిన ప్ర‌గ్య ఇంత‌లోనే ఈ సిరీస్ నుంచి మ‌రో కొత్త ఫోటోని ఇన్ స్టాగ్ర‌మ్ లో షేర్ చేసింది. ప్ర‌స్తుతం అభిమానుల్లో ఈ ఫోటో వైర‌ల్ గా మారింది. బ‌ట‌న్ లెస్.. జిప్ లెస్ ప్ర‌గ్య అందాన్ని ఫ్యాన్స్ ఏమ‌ని పొగిడేశారో తెలుసా?

``అంద‌మా అంద‌మా అంద‌మంటే అంద‌మా?``` అంటూ పోయెటిగ్గా ప్ర‌గ్య జైశ్వాల్ ఆర్మీ సింగింగ్ మోడ్ లోకి వెళ్లిపోయింది. అయితే ఈ హుషారులోనే ప్ర‌గ్య‌ను మ‌రిన్ని అవ‌కాశాలు వ‌రిస్తాయా అన్న‌ది వేచి చూడాలి. కంచె త‌ర్వాత మంచు కాంపౌండ్ లో చేసిన సినిమాలు త‌ప్ప ఈ అమ్మ‌డికి చెప్పుకోద‌గ్గ అవ‌కాశాల్లేవ్. జయ జాన‌కి నాయ‌క చిత్రంలో రెండో లీడ్ పాత్ర‌లో అవ‌కాశం ద‌క్కించుకున్నా బాక్సాఫీస్ వ‌ద్ద‌ ఆశించిన ఫ‌లితం ద‌క్క‌క‌పోవ‌డంతో టాలీవుడ్ లో కెరీర్ కి కామా ప‌డింది. సైరాలో న‌టిస్తోంది అని అంటున్నా.. అందుకు సంబంధించిన ఫోటో ఆధారం ఏదీ ల‌భించ‌లేదు. ప్ర‌గ్య కెరీర్ ని షైన‌ప్ చేసేందుకే ఇన్ని తంటాలు ప‌డుతోందా? అయినా ఇలా బ‌ట‌న్ లెస్ గా ఫోజులిస్తే ఛాన్సులిస్తారా? అన్న‌ది చూడాలి.