ముందే చెక్కేశావా అమ్మడూ!!

టాలీవుడ్ లో ప్రగ్యా జైస్వాల్ ని మాంచి క్రేజ్ ఉన్న బ్యూటీ అనడంలో సందేహం అక్కర్లేదు. వరుసగా వచ్చి పడుతున్న అవకాశాలతో అమ్మడి క్రేజ్ అలా అలా పెరిగిపోతోంది. ప్రగ్యా చేతిలో ఉన్న సినిమాల సంఖ్య కూడా ఎక్కువగానే ఉందిలే.

తాజాగా ప్రగ్యా జైస్వాల్ బ్యాంకాక్ వెళ్లిపోయి.. అక్కడి నుంచి తన టీంతో కలిసి ఓ ఫోటో పోస్ట్ చేసింది. కొద్ది కాలంపాటు అప్ డేట్స్ వినిపించడం మానేసిన నక్షత్రం మూవీ షూటింగ్ కోసం.. పట్టాయా లో వాలిపోయినట్లు చెప్పింది ప్రగ్యా. అలాగే దర్శకుడు కృష్ణవంశీ.. హీరో సందీప్ కిషన్ తో కలిసి పోజ్ ఇచ్చిన ఫోటోను పోస్ట్ చేసింది ప్రగ్యా. అంతా బాగానే ఉంది కానీ.. తెల్లారితే ఈ భామ మంచు మనోజ్ కి జోడీగా నటించిన గుంటూరోడు మూవీ రిలీజ్ కానుంది. మెగాస్టార్ చిరంజీవి వాయిస్ ఓవర్ చెప్పిన తర్వాత.. ఈ మూవీపై హైప్ బాగా పెరిగిన సంగతి తెలిసిందే.

ప్రాజెక్టు కూడా ప్రామిసింగ్ గానే కనిపిస్తోంది. ఈ మూవీకి రిలీజ్ తర్వాత పబ్లిసిటీ యాక్టివిటీస్ లో పాల్గొనడం మానేసి.. ముందు రోజు ఇలా బ్యాంకాక్ లో వాలిపోవడం ఆశ్చర్యకరం. క్రేజ్ ఊపందుకుంటున్న టైంలో ఇలాంటివి సరికాదనే సూచనలు వినిపిస్తున్నాయి. మరి అమ్మడు వీటిని పట్టించుకుంటుందో లేదో!

Like Us on Facebook : https://www.facebook.com/Tupakidotcom/