'కంచె' తెగి బికినీలో మెరిసిందే

మిర్చి లాంటి కుర్రాడు అంటూ ఓ చిన్న సినిమాతో టాలీవుడ్ కెరీర్ మొదలుపెట్టినా.. క్రిష్ తీసిన కంచె లాంటి కాన్సెప్ట్ ఓరియెంటెడ్ సబ్జెక్ట్ లో.. వరుణ్ తేజ్ తో కలిసి మెప్పించిన అందాల భామ ప్రగ్యా జైస్వాల్. ఆ సినిమాలో ట్యాలెంట్ తప్ప బ్యూటీ చూపించేందుకు అవకాశం చిక్కలేదు కానీ.. చేసిన ఆ తర్వాత చేసిన ఓం నమో వెంకటేశాయ వంటి భక్తిరస చిత్రంలో తన అందాల ప్రతిభను చూపించింది ప్రగ్యా జైస్వాల్.

ఆ తర్వాత మాస్ మూవీ గుంటూరోడులో కూడా ప్రగ్యా గ్లామర్ రోల్ లోనే కనిపించింది. ఇప్పుడు నక్షత్రం మూవీలో మరింతగా తన అందాలను ఆరబోసే అవకాశం ఈ కంచె భామకు దక్కింది. తాజాగా ఈ మూవీలోని ' ఏ పాపా యే పాపం చేసిందే నా గుండె.. నీ అందం అంటించే మంటల్లో చిక్కిందే' అంటూ సాగే డ్యుయెట్ కు ప్రోమో రిలీజ్ చేశారు. నక్షత్రంలో సాయి ధరం తేజ్ కు జోడీగా నటిస్తున్న ప్రగ్య.. పాటల్లో మాత్రం అందాలకు కంచె తెంచేసిందనే సంగతి అర్ధమవుతోంది.

ఏకంగా టూ పీస్ బికినీల్లో కూడా కనిపిస్తున్న ప్రగ్య.. కృష్ణవంశీ స్టైల్ మేకింగ్ లో ఫుల్లుగా ఒదిగిపోయింది. తేజుతో కలిసి రొమాంటిక్ సాంగ్ లో జనాలను బాగానే అలరించబోతోంది ఈ భామ. ఇప్పటివరకూ భారీ సినిమాలు.. క్రేజీ ప్రాజెక్టుల్లో అవకాశాలు దక్కించుకోవడంలో కాసింత వెనకబడ్డ ప్రగ్యా జైస్వాల్ కు.. నక్షత్రం మూవీ బ్రేక్ ఇస్తుందేమో చూడాలి.