'ఆ విషయంలో బాలయ్యకు సాటిలేదు' అంటున్న హాట్ హీరోయిన్

టాలీవుడ్ బ్లాక్ బస్టర్స్ సింహా, లెజెండ్‌ సినిమాల తర్వాత డైరెక్టర్ బోయపాటి శీను, నటసింహం బాలకృష్ణ కాంబినేషన్ లో మూడో సినిమా రెడీ అవుతున్న సంగతి తెలిసిందే. ఇప్పటికే బాలయ్య ఫస్ట్ లుక్ ప్రోమో సినీ ప్రేక్షకులలో.. నందమూరి అభిమానులలో సినిమా పై భారీ అంచనాలు సెట్ చేసింది. ఈ సినిమాలో బాలయ్య రెండు భిన్నమైన పాత్రలో కనిపించనున్నాడట. బాలయ్యకు 'బిబి3' 106వ సినిమా. అయితే ఈ సినిమాలో కంచె బ్యూటీ ప్రగ్యాజైస్వాల్ హీరోయిన్ గా నటిస్తోంది. తాజాగా సినిమాకు సంబంధించిన మీడియాతో పలు విషయాలను షేర్ చేసుకుంది. హీరో బాలయ్య గురించి మాట్లాడుతూ.. 'బాలయ్య సార్ తో పనిచేయడం అద్భుతంగా ఉంది. ఎందుకంటే సెట్ లో ఆయనెప్పుడూ పవర్ హౌస్ లా పాజిటివ్ వాతావరణం క్రియేట్ చేస్తారు. సినిమా పట్ల బాలయ్య సార్ ప్యాషన్ సాటిలేనిది' అంటూ ఆసక్తికరమైన కామెంట్స్ చేసింది.

అయితే ఇదివరకు డైరెక్టర్ బోయపాటితో ప్రగ్యా.. 'జయ జానకి నాయక' అనే సినిమాలో వర్క్ చేసింది. ప్రగ్యా బోయపాటి గురించి మాట్లాడుతూ.. నేను ఇదివరకే ఆయనతో వర్క్ చేసాను. అందుకే ఈ సినిమాలో వర్క్ చేయడం ఈజీగా ఉంది. ఆయన విజన్, కన్విక్షన్, సీన్స్ పై క్లారిటీ మాములుగా లేదు. ఎల్లప్పుడూ టీమ్ ను మోటివేట్ చేస్తూ ముందుకు నడిపిస్తున్నాడు. ఆయన స్ఫూర్తి వలనే మేమంతా రోజురోజుకి బెటర్ అవుట్ ఫుట్ ఇవ్వడానికి ట్రై చేస్తున్నాము' అంటూ చెప్పింది. ప్రగ్యాకు ఈ సినిమా ఎంతో ప్రత్యేకమని చెప్పుకొచ్చింది. ఎందుకంటే.. కోవిడ్ లాక్డౌన్ తర్వాత ప్రగ్యా నటిస్తున్న ఫస్ట్ సినిమా ఇది. చాలా నెలల తర్వాత షూటింగ్ లో పాల్గొనే సరికి మళ్లీ కొత్తగా కెరీర్ ప్రారంభం అయినట్లుగా అనిపిస్తుంది. ప్రస్తుతం రెండు సినిమాలను చేస్తున్నట్టుగా తెలిపింది ప్రగ్యా. చూడాలి మరి సక్సెస్ అందుకుంటుందేమో.. ఈ సినిమాని మిర్యాల రవీందర్ రెడ్డి నిర్మిస్తున్నాడు.