మంచు మ‌నోజ్‌ తో ప్ర‌గ్య‌

కంచె భామ ప్ర‌గ్య జైశ్వాల్ మ‌రో అవ‌కాశం చేజిక్కించుకొంది. ఈసారి మంచు కుర్రాడు మ‌నోజ్‌ తో జోడీ క‌ట్ట‌బోతోంది. శౌర్య త‌ర్వాత కాస్త విరామం తీసుకొన్న మంచు మ‌నోజ్ త‌దుప‌రి స‌త్య అనే దర్శ‌కుడితో సినిమా చేయాల‌ని నిర్ణ‌యించుకొన్నాడు. త్వ‌ర‌లోనే ప‌ట్టాలెక్క‌నున్న ఆ సినిమాలో క‌థానాయిక‌గా ప్ర‌గ్యా జైశ్వాల్‌ ని ఎంపిక చేసుకున్నారు.

మిర్చిలాంటి కుర్రాడుతో తెలుగులోకి ఎంట్రీ ఇచ్చిన ప్ర‌గ్య‌కి కంచెతోనే పేరొచ్చింది. ఆ చిత్రంలో న‌ట‌న‌కుగానూ ప‌లు పుర‌స్కారాలు సొంతం చేసుకొంటోంది. ఇప్పుడు అదేస్థాయిలో అవ‌కాశాలూ క్యూ క‌డుతున్నాయి. మంచు మ‌నోజ్ చిత్రంలో సోలో క‌థానాయిక‌గా న‌టిస్తుండ‌గా, నాగార్జున ప్ర‌ధాన పాత్ర‌లో కె.రాఘ‌వేంద్ర‌రావు తెర‌కెక్కిస్తున్న `ఓం న‌మో వెంక‌టేశాయ‌`లో ప్ర‌గ్య ఓ కీల‌క పాత్ర పోషించ‌నున్న‌ట్టు తెలుస్తోంది. ఈ రెండు సినిమాలు ఆమె కెరీర్‌ కి కీల‌కం కానున్నాయి.