'కంచె' భామకు మరో ఛాన్సు ఇచ్చాడు

ఒక సినిమాతో పేరొచ్చినప్పటికీ.. ఆ తరువాత ఎటువంటి సినిమాలు సెలక్ట్ చేసుకుని ఎంత ఫాస్టుగా కెరియర్ లో ముందుకు వెళతారు అనేది యాక్టర్ల విషయంలో చాలా ముఖ్యం. అదిగో కంచె పేం ప్రగ్యా జైస్వాల్ ను చూడండి.. అమ్మడుకు ఆ సినిమాతో ఎంత పేరొచ్చినా కూడా.. ఎందుకో ఇంతవరకు తదుపరి సినిమాయే లేదు.

ఆ మధ్యన వరుణ్‌ తేజ్ తో చేయాల్సిన ''రాయభారి'' సినిమా క్యాన్సిల్ అవ్వడం.. అలాగే మంచు మనోజ్ సినిమాలో ఈమె ప్లేసులో రెజీనా ను తీసుకోవడంతో.. అసలు ప్రగ్యా చేతిలో రాఘవేంద్రరావు తీస్తున్న భక్తి సినిమా ''ఓం నమో వేంకటేశాయ''లో తప్పించి ఇంకో ఆఫరే లేదా అంటూ గ్లామర్ లవర్స్ కూడా కంగారుపడ్డారు. అదంతా ఏమో కాని.. ఇప్పుడు మంచు మనోజ్ ఈమెకు తిరిగి మరో ఆఫర్ చేతిలో పెట్టాడు. 'నా రాకుమారుడు' అనే సినిమాను తీసిన సత్య డైరక్షన్లో ఇప్పుడు మనోజ్ ఒక కమర్షియల్ ఎంటర్టయినర్ తీస్తున్నాడు. ఈ సినిమాలో ప్రగ్యా జైస్వాల్ ను హీరోయిన్ గా ఫైనల్ చేసినట్లు తెలుస్తోంది. ఆగస్టు 17 నుండి రెగ్యలుర్ షూటింగ్ కూడా మొదలవుతుందట.

గతంలో సినిమాలే లేవని చూస్తున్నప్పుడు అందాల రాక్షసి హీరోయిన్ లావణ్య త్రిపాఠి కి కూడా మంచు విష్ణు ఇదే టైపులో దూసుకెళ్తా లో ఛాన్సిచ్చాడు. ఇప్పుడు మనోజ్ కూడా ప్రగ్యకు అలాంటి ఫేవరే చేస్తున్నట్లుంది కదూ.