ముందు క‌థ‌లు రాయండి.. అమీర్ కి చీవాట్లు!

బాలీవుడ్ కి మొట్టికాయ‌లు త‌ప్ప‌డం లేదు! ఖాన్ లు క‌పూర్ లు ఖిలాడీలు స‌హా అంద‌రికీ ఇది బ్యాడ్ సీజ‌న్. స్టార్ డైరెక్ట‌ర్లు దిగ్గ‌జాలు కూడా స‌రైన క‌థ‌లతో సినిమాలు తీయ‌లేక బాక్సాఫీస్ వ‌ద్ద‌ చ‌తికిల‌బ‌డుతుండ‌డంతో తీవ్ర విమ‌ర్శ‌లు వెల్లువెత్తుతున్నాయి. పొరుగున ఉన్న టాలీవుడ్ - మాలీవుడ్ వైపు చూపిస్తూ ఒరిజిన‌ల్ క‌థ‌ల‌ను ప్ర‌య‌త్నించ‌మ‌ని సూచించడం కూడా కొత్త ప‌రిణామం.

ఇటీవ‌లి లాల్ సింగ్ చ‌డ్డా- ర‌క్షాబంధ‌న్ - సామ్రాట్ పృథ్వీరాజ్ వంటి చిత్రాల ఫెయిల్యూర్స్ పై తీవ్ర విమ‌ర్శ‌లు వెల్లువెత్తుతున్నాయి. ఏది ఏమైనా బాలీవుడ్ లో క‌థ‌లు రాయ‌డం లేద‌ని రీమేక్ ల‌పై ఆధార‌ప‌డుతున్నార‌ని అది స‌రి కాద‌నే అభిప్రాయం నిపుణుల నుంచి వ్య‌క్త‌మ‌వుతోంది.

ఇప్పుడు ప్ర‌ముఖ దిగ్గ‌జ ఫిలింమేక‌ర్ ప్ర‌కాష్ ఝా సైతం ఇదే విష‌యాన్ని చెప్పారు. అమీర్ ఖాన్ నటించిన లాల్ సింగ్ చద్దా చిత్రం గురించి ప్రకాష్ ఝా తన అభిప్రాయాన్ని కుండ‌బ‌ద్ధ‌లు కొట్టారు. వారు బక్వాలు చేస్తున్నారేమో అర్థం చేసుకోవాలి! అని ఆయ‌న‌ వ్యాఖ్యానించాడు. ఇటీవల ఓ ఇంటర్వ్యూలో ప్రకాష్ ఝా బాక్సాఫీస్ వద్ద విఫలమవుతున్న బాలీవుడ్ చిత్రాల ట్రెండ్ గురించి మాట్లాడారు. ఇండస్ట్రీ ఒరిజిన‌ల్ కథలను తయారు చేయాల్సిన అవ‌స‌రాన్ని నొక్కి చెప్పారు.

బాలీవుడ్ లో ప్రస్తుత ప్రధాన చర్చ 'సౌత్ వర్సెస్ బాలీవుడ్' కాదు.. భారీ బడ్జెట్ హిందీ చిత్రాల బాక్సాఫీస్ ప్రదర్శన గురించిన చ‌ర్చ ఇది. ఆగస్టులో విడుదలైన రక్షా బంధన్ -లాల్ సింగ్ చద్దా బాక్సాఫీస్ పోటీప‌డ్డాయి. అయితే ఈ చిత్రాలు ప్రేక్షకులను ఆకట్టుకోలేకపోయాయి. మరోవైపు టాలీవుడ్ నుంచి వ‌చ్చిన‌ పుష్ప-RRR బాక్సాఫీస్ వద్ద గర్జించడమే కాకుండా OTT పరంగా కూడా అద్భుతమైన స్పందనను అందుకుంటున్నాయి. ఈ విషయంపై 'అపహరన్' నిర్మాత ప్రకాష్ ఝా మాట్లాడుతూ బాలీవుడ్ లో కొత్తదనం లేదని.. వారంతా రీమేక్ లపై ఎక్కువగా ఆధారపడుతున్నార‌ని తన అభిప్రాయాన్ని వ్యక్తం చేశారు.

అమీర్ ఖాన్ నటించిన లాల్ సింగ్ చద్దా గురించి ప్రకాష్ ఝా తన అభిప్రాయాన్ని వెల్లడించాడు. వారు ఏం చేస్తున్నారో అర్థం చేసుకోవాల‌ని అన్నారు. తాజా ఇంటర్వ్యూలో ప్రకాష్ ఝా మాట్లాడుతూ.. "ఇది పరిశ్రమకు మేల్కొలుపు కాల్ అని పేర్కొన్నారు. వారు బక్వాలు చేస్తున్నారని అర్థం చేసుకోవాలి. కేవలం డబ్బు- కార్పొరేట్లు- నటీనటులకు అధిక పారితోషికాలు చెల్లించి సినిమా తీయలేం. అర్థమయ్యేలా అలరించే మంచి కథ రాయాలి" అంటూ చుర‌క‌లు వేశారు. కేవలం రీమేక్‌లపై ఆధారపడకుండా వ్యూహాన్ని ఎలా పునరుద్ధరించాలో చెప్పారు.

హిస్ట‌రీలో పాతుకుపోయిన కథలతో ఇంకా సినిమాలు చేయాలి. హిందీ పరిశ్రమకు చెందిన వారు హిందీలో మాట్లాడుతున్నారు కానీ వారు ఏం చేస్తున్నారు? కేవలం రీమేక్ ల వెంట ప‌డుతున్నారు. అందుకే అవి హల్ చల్ చేస్తున్నాయి. మీకు చెప్పడానికి కథ లేకపోతే సినిమాలు తీయడం మానేయండి. ప్రేక్ష‌కులు నీరసంగా మారినందున వారి కోసం ఫిలింమేక‌ర్స్ కష్టపడి పనిచేయాలి...ఒరిజిన‌ల్ క‌థ‌ల్ని ఆలోచించాలి'' అని అన్నారు.

గ‌తంలో అమీర్ ఖాన్ చేసిన కృషిని మెచ్చుకుంటూ కంటెంట్ ప్రేక్షకులను ఆకర్షించేంత బలంగా ఉండాలని కూడా నొక్కి చెప్పాడు. ''ప్రజలు సోషల్ మీడియాను కమ్యూనికేషన్ సాధనంగా ఉపయోగిస్తున్నారు. దంగల్- లగాన్ (బాక్సాఫీస్ వద్ద) పరాజయం పాలైతే ... బహిష్కరణ కారణంగా ఫెయిల్యూర్ ఎదురైంద‌ని మనం అర్థం చేసుకోవచ్చు. కానీ మంచి ఆదరణ ద‌క్క‌ని సినిమా చేశావు. 'వావ్... ఇది ఎంత మంచి సినిమా' అని లాల్ సింగ్ గురించి చెప్పిన వ్యక్తి నాకు ఇంకా దొరకలేదు. మీరు కష్టపడి పనిచేశారని నేను అంగీకరిస్తున్నాను. కానీ మీ కంటెంట్ లో అలాంటి వావ్ ఫ్యాక్ట‌ర్ లేనప్పుడు బహిష్కరణ కారణంగా అది బాగా ఆడ‌లేదని చెప్ప‌డం స‌రికాదు!'' అని త‌న అభిప్రాయాన్ని కుండ‌బ‌ద్ధ‌లు కొట్టారు.

లాల్ సింగ్ చద్దా ఆస్కార్ విజేత టామ్ హాంక్స్ చిత్రం 'ఫారెస్ట్ గంప్' కి అధికారిక‌ రీమేక్. అమీర్ ఖాన్- కరీనా కపూర్ ఖాన్ ప్రధాన పాత్రల్లో నటించారు. ఈ చిత్రం అక్షయ్ కుమార్- భూమి పెడ్నేకర్ నటించిన రక్షా బంధన్ తో పాటు విడుదలైంది. ఇవి రెండూ ఆగస్టు 11 న విడుదలై డిజాస్ట‌ర‌య్యాయి. దాంతో తీవ్ర విమ‌ర్శ‌లు ఎదుర‌య్యాయి.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.