టీవీ ఛానెల్లో ప్రకాష్ రాజ్ ఉగ్ర రూపం

ప్రకాష్ రాజ్ తెరమీద విలన్ పాత్రలు చేసి ఉండొచ్చు కానీ.. బయట చాలా సాత్వికంగా కనిపిస్తాడు. చాలా మర్యాదగా.. పద్ధతిగా మాట్లాడుతంటాడు. అలాంటి ఆయన్ని ఓ కన్నడ టీవీ ఛానెల్ కవ్వించింది. ఆయనకు విపరీతమైన కోపం తెప్పించింది. టీవీలో లైవ్ వస్తోందని కూడా చూడకుండా ప్రకాష్ రాజ్ ఉగ్ర రూపం చూపించాడు. ఆ ఛానెల్ వాళ్లను వాయించేశాడు. ఆయనేమీ ఊరికే కోపం తెచ్చుకోలేదు. ఆయన కోపంలో అర్థముందిలెండి. ఇంతకీ అసలేం జరిగిందంటే..

తన కొత్త సినిమా ‘మనవూరి రామాయణం’ కన్నడ వెర్షన్ ను ప్రమోట్ చేయడం కోసం ఓ కన్నడ టీవీ ఛానెల్ కు వెళ్లాడు ప్రకాష్ రాజ్. ఐతే సినిమాకు సంబంధించిన ప్రశ్నలతో సరిపెట్టకుండా మధ్యలో కావేరీ వివాదం గురించి ప్రస్తావించింది యాంకర్. ఆమె దీనికి సంబంధించి ప్రశ్న అడుగుతున్నపుడే ప్రకాష్ రాజ్ ఎక్స్ ప్రెషన్ మారిపోయింది. నేను సినిమాకు సంబంధించి మాట్లాడదాం అని వస్తే.. మధ్యలో ఈ వివాదం గురించి ఎందుకెత్తారంటూ ప్రకాష్ రాజ్ ఉగ్రరూపం దాల్చాడు.

అసలే జనాలు ఆగ్రహంగా ఉంటే.. మీరు ఇలా వివాదాలు రాజేయడానికి ఇలాంటి ప్రశ్నలు వేస్తారా.. టీఆర్పీ రేటింగుల కోసం ఇలా చేస్తారా అంటూ ప్రకాష్ రాజ్ రెచ్చిపోయాడు. మధ్యలో రికార్డింగ్ ఆపాలంటూ కెమెరామన్ ను హెచ్చరించాడు. తర్వాత మీదే ఛానెల్ అంటూ ఇకపై తన ఇంటర్వ్యూల కోసం రావొద్దని అన్నాడు. వెంటనే అక్కడి నుంచి ఆయన వాకౌట్ చేశారు కూడా. యాంకర్.. కెమెరామన్ అడుక్కుంటున్నా ఆయన ఆగలేదు.

వీడియో కోసం క్లిక్ చేయండి