ప్రణీత వాటర్ బాటిల్ కూడా..

కన్నడ పోకిరి రీమేక్ లో హీరయిన్ గా మంచి హిట్ అందుకున్న ప్రణీత ఆ తరువాత తెలుగులో బాగానే ఆఫర్లను దక్కించుకుంది. అంతే కాకుండా తమిళ్ లో కూడా స్టార్ హీరోయిన్లకు ధీటుగా ఒకప్పుడు పోటీని ఇచ్చింది. కానీ ప్రస్తుత రోజుల్లో ప్రణీత దాదాపు ప్రతి సినిమాలో సెకండ్ హీరోయిన్ గానే మెరుస్తోంది.

ముఖ్యంగా తెలుగులో అత్తారింటికి దారేది, రభస, బ్రహ్మోత్సవం సినిమాల్లో సైడ్ హీరోయిన్ గా మెరిసి తనదైన శైలిలో పాత్రలను ఒకే చేస్తూ.. వచ్చింది. అయితే వచ్చిన ఆఫర్ల సహాయంతో ఎంతో కొంత సంపాదించినా ఈ భామ రీసెంట్ బిజినెస్ వైపు మొగ్గు చూపింది. అంతే కాకుండా నాలుగు రాళ్ళూ వెనకేసుకుందమని కొన్ని బిజినెస్ ఫార్ములాలను కూడా అమలు చేస్తోందట ఈ బొమ్మ. రీసెంట్ గా బెంగళూర్ లో ప్రణీత "బూట్ లెగ్గర్" పబ్ రెస్టారెంట్ ని స్టార్ట్ చేసిందట. అంతే కాకుండా ఓ కొత్త తరహా ఆలోచనతో వాటర్ బాటిల్ ని అదే పేరును పెట్టి విక్రయిస్తుందట ప్రణీత. ఆ వాటర్ బాటిల్ కి సంబదించిన ఓ ఫోటోను రీసెంట్ గా తన ట్విట్టర్ అకౌంట్ లో పోస్ట్ చేసింది ఈ హీరోయిన్.

దీంతో ఈ అమ్మడు బిజినెస్ మైండ్ పై ఒక్కొక్కరు ఒక్కో విధంగా స్పందిస్తున్నారు. వాటర్ బాటిల్ కి స్టైలిష్ గా పేరు పెట్టి అధిక ధరలో విక్రయించడం ఈ రోజుల్లో కామన్ అయ్యిందంటూ..ఎమ్మార్పీ కి అమ్ముతున్నావా? హై ప్రైస్ కి అమ్ముతున్నావా? అని నెటిజన్లు కామెంట్స్ చేస్తున్నారు.