ఖ‌రీదైన ఫోన్ అలా జార‌విడిస్తే ఎలా ప్ర‌ణీత‌?

అందాల బుట్ట‌బొమ్మను త‌ల‌పించే ఒక ప్ర‌ముఖ హీరోయిన్ పింక్ క‌ల‌ర్ డిజైన‌ర్ డ్రెస్ లో మెరిసింది. అయితే ఆ డ్రెస్ చాలా హెవీగా ఉండ‌డంతో కార్లోంచి దిగేందుకు ఎంతో ఇబ్బంది ప‌డింది. అంతేనా... అలా దిగేప్పుడు ఆద‌మ‌రిచి త‌న గౌనులో చిక్కుకున్న ఖ‌రీదైన స్మార్ట్ ఫోన్ ని జార‌విడిచింది. అది నేల‌పై ప‌డి క్రాక్స్ ఇచ్చింది. అరెరే.. ఈ స‌న్నివేశం చూస్తున్న వారు కూడా కంగారు పడిపోవాల్సి వ‌చ్చింది. అసౌక‌ర్యంగా ఉన్న ఆ డ్రెస్ తో ఏదో ఫ్యాష‌న్ ఈవెంట్ కి వ‌చ్చిన‌ట్టు అర్థ‌మ‌వుతోంది. కానీ అంత ఖ‌రీదైన ఫోన్ ని నేల‌పై జార‌విడుచుకున్న ఆమె షాక్ తింది.

ఈ మొత్తం దృశ్యాన్ని కెమెరాలో బంధించ‌గా అది సోష‌ల్ మీడియాల్లో వైర‌ల్ గా మారింది. ఇంత‌కీ ఎవ‌రీ ముద్దుగుమ్మ అంటే అందాల ప్ర‌ణీత‌.ప్ర‌స్తుతం ఈ వీడియో అంత‌ర్జాలంలో వైర‌ల్ గా మారింది. అలా ఖ‌రీదైన వ‌స్తువుల్ని జార‌విడిచుకోవ‌డం ఇప్పుడే కొత్త కాదు కానీ.. మ‌రీ అలా జార‌విడిచేస్తే ఎలా? అంటూ నెటిజ‌నులు ఎవ‌రికి వారు ఉచిత స‌ల‌హాలు ప‌డేస్తున్నారు.

భర్తతో కలిసి మాల్దీవుల్లో ఎంజాయ్ చేసిన‌ ప్రణీత..!క‌న్న‌డ సోయ‌గం ప్ర‌ణీత ప‌రిచ‌యం అవ‌స‌రం లేదు. తెలుగు- తమిళం- హిందీ- కన్నడ భాషల్లో హీరోయిన్ గా ఓ వెలుగు వెలిగిన ప్రణీత గతేడాది అంటే 2021 మే 30న బెంగళూరుకు చెందిన వ్యాపారవేత్త నితిన్ రాజు అనే వ్యాపారవేత్తను వివాహం చేసుకుని.. ఆ తర్వాత సినిమాలకు దూరంగా ఉన్న సంగతి తెలిసిందే. 'ఏం పిల్లో ఏం పిల్లాడో' చిత్రంతో టాలీవుడ్ లో అడుగుపెట్టిన ఈ బ్యూటీ 'అత్తారింటికి దారేది' చిత్రంలో ప‌వ‌న్ క‌ల్యాణ్ స‌ర‌స‌న న‌టించింది.

బావ -రభస వంటి చిత్రాల్లో నటించి క్రేజ్ సంపాదించుకుంది. స్టార్ హీరోయిన్ రేంజ్ కి వెళ్లకపోయినా మంచి ఫ్యాన్ ఫాలోయింగ్ సంపాదించుకుంది. లాక్ డౌన్ సమయంలో ఆమె చేసిన సేవా కార్యక్రమాలు త‌న‌ను సిస‌లైన హీరోయిన్ గా మార్చాయి. ప్రణీత జూన్ 10న అందమైన ఆడబిడ్డకు జన్మనిచ్చింది.

ఆమె కూతురు ఫోటోలు కూడా సోషల్ మీడియాలో వైరల్ అవుతున్నాయి. ఇదిలా ఉంటే.. ప్రణీత ఇటీవల తన భర్త నితిన్ తో కలిసి మాల్దీవులకు వెకేషన్‌కు వెళ్లింది. అక్కడ అందమైన సముద్ర తీరంలో దంపతులు ఎంతో రొమాంటిగ్గా గడిపిన ఫోటోలు వైర‌ల్ అయ్యాయి.

అంతేకాదు ప్రణీత బికినీ లో అద్భుత‌మైన ప్ర‌ద‌ర్శ‌న‌లు ఇచ్చింది. స్విమ్మింగ్ పూల్ లో.. బాత్ టబ్ లో ఈత కొడుతున్న ఫోటోలను తన ఇన్ స్టాగ్రామ్ లో షేర్ చేసింది. ప్రణీత డెలివరీ టైమ్ లో కాస్త లావు అయింది. కానీ ఇప్పుడు మళ్లీ సన్నబడుతోంది. మునుపటి లుక్ లోకి మారుతోంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.