మంచు వారి హీరోయిన్స్‌ ఆడుకోవాల్సిందే

మంచు వారి క్యాంపులో ఒక హీరోయిన్‌ కొత్తగా జాయిన్‌ అయ్యిందంటే.. ఆమె ఖచ్చితంగా ఆడుకోవల్సిందే.. ఆగండి ఆగండి. ఇంతకీ ఎవరితో ఆడుకోవాలి? లేకపోతే మంచు క్యాంపు ఆమెతో ఆడుకుంటోందా? ఇంతకీ ఈ ఆటల మ్యాటర్‌ ఏంటి మాష్టారూ? పదండి ఓ లుక్కేశాద్దాం.

మొన్న తిరుపతిలో జరిగిన మోహన్‌బాబు బర్త్‌డే వేడుకల్లో.. హీరోయిన్‌ ప్రణీత కూడా పాల్గొంది. ఇకపోతే అమ్మడు మంచు విష్ణు సరసన డైనమైట్‌ సినిమాలో హీరోయిన్‌గా చేస్తోంది కాబట్టి ఇక్కడకు ఇలా విచ్చేసిందని వేరే చెప్పక్కర్లేదు. ఇకపోతే విద్యానికేతన్‌ క్యాంపస్‌లో కూర్చొన్నప్పుడు ప్రణీత ఏం చేసిందో తెలుసా? కాసేపు అరియానా, వివియానాలతో ఆడుకుంది. మరికాసేపు నిర్వాణతో ఆడుకుంది. ఇక ఈ పిల్లలెవరో పరిచయం అక్కర్లేదుగా.. ఇద్దరు మంచు విష్ణు కూతుళ్ళయితే, ఇంకో పాప లక్ష్మి కూతురు.

అసలు మంచు క్యాంప్‌కు ఎవరొచ్చినా కూడా ఇలా ఈ ఫ్యామిలీలోని ముగ్గురు ఆడపిల్లలతో సరదాగా టైమ్‌ పాస్‌ చేయకుండా ఉండలేరట. ఏదో ఒక సమయంలో వీరు షూటింగ్‌ స్పాట్‌కు వస్తున్నారు కాబట్టి, ఈ పిల్లలందరూ సెలబ్రిటీలతో ఆడేసుకుంటున్నారు. అది కథ.