ప్రణీత కల తీరేనా..?

సెకెండ్ హీరోయిన్ గా పాపులర్ అయిన కన్నడ బ్యూటీ ప్రణీత చాలాకాలం తర్వాత సోలో హీరోయిన్ గా డైనమైట్ సినిమాలో నటించింది. మంచు విష్ణు హీరోగా నటిస్తూ నిర్మించిన ఈ సినిమా సెప్టెంబర్ 4న థియేటర్ లోకి రానుంది. ఈ సినిమాపై తను పెట్టుకున్న ఆశలను మరికొన్ని విషయాలను ఈ బాపు గారి బొమ్మ చెప్పుకొచ్చింది.

''సోలో హీరోయిన్ గా చేస్తున్న హీరోయిన్స్ కి కూడా ఇలాంటి పాత్రలు రావు. అంత కొత్తగా వుంటుంది ఈ పాత్ర. అలాంటి పాత్ర నాకు దక్కడం నిజంగా సంతోషకరం. ఈ సినిమా కోసం కొన్ని యాక్షన్ సన్నివేశాలు డూప్ లేకుండా స్వయంగా నేనే చేశాను. రిహార్సిల్స్ చేసినా కొన్ని గాయాలయ్యాయి. పేరుకు తగ్గట్టే సినిమా ఆద్యంతం ఉత్కంఠంగా వుంటుంది. ఈ సినిమా తర్వాత సోలో నాయికగా అవకాశాలు వస్తాయని అనుకుంటున్నా. అలా అని సెకెండ్ హీరోయిన్ పాత్రలు చేయను అనట్లేదు. థియేటర్ నుండి బయటకి రాగానే మర్చిపోయే పాత్రలు పాత్రం చెయ్యను అంటూ నిర్మాత అవతారం ఎత్తనున్నారట అన్న ప్రశ్నకు బదులుగా.. ప్రస్తుతానికి నటిగా బిజీ. భవిష్యత్తులో నిర్మాతను అవుతానేమో.." అని సెలవిచ్చింది. మిగిలినవన్నీ ఎలా వున్నా ఒక్క విషయం క్లియర్ - సోలో హీరోయిన్ అవకాశం ఒక్క విషయం. ఈ సినిమా ఫలితంతో ప్రణీత కల తీరుతుందేమో చూద్దాం..!