బాపుబొమ్మ ఛాన్సు కొట్టేసింది

ఈ మధ్య వరుసబెట్టి సెకెండ్ హీరోయిన్ పాత్రలు పోషిస్తున్న ప్రణీత.. ఇక సోలో హీరోయిన్ గా మన ముందుకు రావడానికి సిద్ధమవుతోంది. ప్రస్తుతం మహేష్ తో కలిసి బ్రహ్మోత్సవం సినిమాలో సమంత, కాజల్ అగర్వాల్ తో కలిసి వెండితెరను పంచుకోబోతోంది. ఇది ఇలా వుండగా అప్పుడెప్పుడో... ఐదేళ్ళ క్రితం 'ఎం పిల్లో ఏం పిల్లడో' మూవీతో హీరోయిన్‌గా పరిచయమైంది. ఆ తరువాత కార్తి 'శకుని' సినిమాలో నటించినా... అది తమిళ అనువాద చిత్రం. తెలుగులో అయితే ఫుల్‌ లెంగ్త్‌ హీరోయిన్‌గా ఇప్పటి వరకు నటించింది చాలా తక్కువే అని చెప్పాలి.

ఇప్పుడు మళ్ళీ ఓ ఫుల్‌ లెంగ్త్‌ సినిమాలో హీరోయిన్‌గా నటించే ఛాన్సు కొట్టేసింది ప్రణీత. వీరభద్రమ్‌ చౌదరి దర్శకత్వంలో ఆది హీరోగా 'చుట్టాలబ్బాయ్‌' అనే సినిమాలో నటిస్తున్న విషయం తెలిసిందే. ఇందులో హీరోయిన్‌ గా ప్రణీతను ఎంపిక చేసినట్లు తెలిసింది. ఇందులో ఆది సరసన నటింప జేయడానికి చాలా మందినే ట్రై చేశారు. అవేవీ వర్క్‌వుట్‌ కాలేదు. చివరకు ప్రణీత అయితే ఆదికి ఈడూ జోడూ వుంటుందని దర్శకుడు భావించాడు. ఫ్యామిలీ ఎంటర్‌ టైన్‌ మెంట్‌ కావడంతో హోమ్లీగా ప్రణీత అయితే బాగుంటుంది. లంగా వోణీలో చక్కగా కనిపిస్తుంది కాబట్టి.. ఆమెను ట్రెడిషనల్‌ లుక్‌ లోనే అందంగా చూపించొచ్చుని దర్శకుడు భావించినట్టుంది. అందుకే ఈ బాపు బొమ్మకు ఛాన్సు ఇచ్చినట్టుంది.

ఈ మూవీ ఆగస్టు 10 నుంచి సెట్స్‌ పైకి వెళ్ళనుంది. ఓ నలభై రోజుల పాటు హైదరాబాద్‌, గోదావరి జిల్లాలో షూటింగ్‌ జరిపించేసి... ఆ తరువాత విదేశాల్లో షూటింగ్‌ జరిపేందుకు ప్లాన్‌ చేస్తున్నారు. ఈ చిత్రానికి యస్‌.యస్‌.థమన్‌ సంగీతం అందిస్తున్న విషయం తెలిసిందే. ప్రస్తుతం ఆది 'గరం' సినిమా లో నటిస్తున్నాడు. మదన్‌ డైరెక్షన్‌ లో తెరకెక్కుతున్న ఈ చిత్రం.. త్వరలోనే షూటింగ్‌ పార్టు పూర్తవుతుందని... ఆ తరువాత 'చుట్టాలబ్బాయి'తో ఆది బిజీ అయిపోతాడని ఫిలిం నగర్‌ సమాచారం. చూడాలి అసలే హిట్టులేక అల్లాడుతున్న ఆదికి ఈ సినిమా అయినా కలిసొస్తుందేమో చూడాలి. దర్శకుడు వీరభద్రం చౌదరి కూడా ఎంతో ప్రతిష్ఠాత్మకంగా ఈ చిత్రాన్ని తెరకెక్కించడానికి ప్లాన్‌ చేస్తున్నాడు. ఇప్పటికే బౌండ్‌ స్క్రిప్ట్‌ తో రెడీగా వున్న ఈ సినిమా... సెట్స్‌ పైకి వెళ్ళడమే తరువాయి. సో.. ఆల్‌ ది బెస్ట్‌ ఎంటైర్‌ టీమ్‌ మెంబర్స్‌!!