మహేష్ తో మొదలెట్టి అక్కడికే వచ్చింది

టాలీవుడ్ సూపర్ స్టార్ మహేష్ బాబు మూవీ బ్రహ్మోత్సవంలో.. ప్రణీత ఓ హీరోయిన్. ఈ సినిమాలోని ముగ్గురు భామల్లో ప్రణీత ఒకరు. అయితే.. మహేష్ మూవీతో తన సినీ జీవితం ఓ సర్కిల్ ని కంప్లీట్ చేసుకుందని అంటోంది ఈ కన్నడ భామ. అసలు తన సినిమా కెరీర్ స్టార్టింగే మహేష్ బాబుతో అని చెబుతుండడం విశేషం. బ్రహ్మోత్సవంలో తొలిసారిగా మహేష్ తో కలిసి చేస్తున్నా.. ఈమె చెబుతున్న మాట కూడా నిజమే.

టాలీవుడ్ రికార్డులన్నీ తుడిచిపెట్టేసిన మూవీ పోకిరి. దీన్ని కన్నడలో పోర్కి పేరుతో రీమేక్ చేశారు. దర్శన్ హీరోగా తెరకెక్కిన ఈ పోర్కితో.. తెరంగేట్రం చేసింది ప్రణీతా సుభాష్. ఆ తర్వాత తెలుగు - తమిళ్ - కన్నడ సినిమాల్లో వరుసగా చేసేస్తోంది. అలా మహేష్ మూవీతో కెరీర్ స్టార్ట్ చేసి, ఇప్పుడు మహేష్ బాబు సరసన చేసే రేంజ్ కి ఎదిగిందన్న మాట. అంటే ఎక్కడ స్టార్ట్ చేసిందో, మళ్లీ అక్కడికి చేరేసరికి.. పెద్ద హీరోయిన్ అయిపోయిందన్న మాట.

మరి బ్రహ్మోత్సవంలో నీ కేరక్టర్ ఏంటి అని ప్రశ్నిస్తే... హీరోకి మరదలి రోల్ చేస్తున్నానని, అంతకంటే ఎం చెప్పలేనని అంటూనే.. ఎలాంటి పరిస్థితి నుంచి అయినా మంచి మాత్రమే తీసుకునే రోల్ చేస్తున్నా అని చెప్పింది ప్రణీత. రియల్ లైఫ్ లోనూ తన కేరక్టర్ ఇదే అని చెప్పడం విశేషం.