ఈ దెబ్బకి ప్రణీత దడుచుకుందంతే

సెన్సేషన్‌తో వార్తలు అమ్మేసే రోజులివి. అందుకే నిన్నటి నుండి ఓ న్యూస్‌ టాలీవుడ్‌లో రచ్చరచ్చ చేస్తోంది. ఏంటంటే.. మంచు మనోజ్‌ త్వరలోనే ప్రణీతను పెళ్ళిచేసుకోబోతున్నాడు అనే టాపిక్‌ నిన్నటి నుండి ఇక్కడ హాట్‌ హాటెస్ట్‌ టాపిక్‌. ఎక్కువశాతం మంది ఈ న్యూస్‌ వినగానే, కొంపతీసి మనోడు పాండవులు పాండవులు సినిమాలో హీరోయిన్‌ ప్రణీతతో కలసి నటించాడో.. అప్పటినుండి ఆమెతో ప్రేమలో పడిపోయాడేమో అని అందరూ చాలా కహానీలు ఊహించేసుకున్నారు.

ఇకపోతే మనోజ్‌ ప్రేమలో పడింది ప్రణీత రెడ్డి అనే అమ్మాయి అని లేటుగా తెలుసుకున్నారు కాని.. ఈలోపే హీరోయిన్‌ ప్రణీతకు కూడా బోలెడన్ని కాల్స్‌ వచ్చేశాయ. ఒక్కరోజులో ఈమెను ఇంతమంది తలుచుకుంటుంటే అమ్మడు దడుచుకోక ఏమైపోతుంది? బెంగుళూరులో బిజీగా ప్రణీత, ఈ న్యూస్‌తో ఉలిక్కిపడి కాసేపు ఫోన్‌ స్విఛాఫ్‌ చేసిందట. ఏదో క్యాజువల్‌ రూమర్‌ అనుకొని ముందు కాస్త లైట్‌ తీసుకుంది కాని, రూమర్‌పై పూర్తి క్లారిటీ వచ్చాక మాత్రం మీడియా కావాలనే నా పేరు వచ్చేలా డబుల్‌ మీనింగ్‌ హెడ్డింగులతో నన్ను బలిపశువును చేసింది అంటూ వాపోయింది. కలికలాం ప్రణీత!!!