పవన్ హీరోయిన్ బిజినెస్ మొదలెట్టింది

‘ఏం పిల్లో ఏం పిల్లడో’ లాంటి చిన్న సినిమాతో తెలుగు తెరకు పరిచయం అయినప్పటికీ.. ఆ తర్వాత పవన్ కళ్యాణ్.. ఎన్టీఆర్.. మహేష్ బాబు లాంటి సూపర్ స్టార్లతో సినిమాలు చేసే అవకాశం దక్కించుకుంది కన్నడ అమ్మాయి ప్రణీత. ఐతే ‘అత్తారింటికి దారేది’ లాంటి బ్లాక్ బస్టర్లో నటించినప్పటికీ ఆమె కెరీర్ ఆశించిన స్థాయిలో ఊపందుకోలేదు. ప్రస్తుతం తెలుగులో ఆమెకు సినిమాలే లేవు. పోనీ సొంత ఇండస్ట్రీ శాండిల్ వుడ్లో అయినా చెప్పుకోదగ్గ అవకాశాలు ఉన్నాయా అంటే అదీ లేదు. దీంతో ఇక ఆల్టర్నేట్ కెరీర్ చూసుకుంటున్నట్లుంది ప్రణీత. సినిమాలకు సెలవిచ్చేసి బిజినెస్ వుమన్ గా మారడానికి ఆమె రంగం సిద్ధం చేసుకుంది.

బెంగళూరులో ప్రణీత ఫుడ్ అండ్ బార్ బిజినెస్ ఛైన్ ప్రారంభించడం విశేషం. దాన్ని బెంగళూరుతో పాటు మరిన్ని నగరాలకు విస్తరించే పనిలో ఉంది ప్రణీత. ఐతే ఈ బిజినెస్ వరకే పరిమితం కాకుండా భవిష్యత్తులో సినీ నిర్మాణం చేపట్టాలని కూడా ఆమె భావిస్తోంది. ఐతే ఇప్పటికప్పుడు తన దగ్గర అంత డబ్బు లేదని.. ఫుడ్ అండ్ బార్ బిజినెస్ లో డబ్బులు బాగా సంపాదిస్తే.. ప్రొడక్షన్ హౌజ్ మొదలుపెట్టి సినిమాలు నిర్మించే అవకాశాలు లేకపోలేదని ఆమె వెల్లడించింది. ప్రణీత ఫ్యామిలీలో చాలామంది డాక్టర్లు ఉన్నారు. వాళ్లకు హాస్పిటల్ బిజినెస్ కూడా ఉంది. ఫుడ్ అయినా.. హాస్పిటల్ అయినా.. చాలా వరకు సాఫీగా సాగిపోయే వ్యాపారాలే. వాటి మీద దృష్టిపెట్టక సినిమాల నిర్మాణం అనే జూదం ఆడటం ఎందుకు అని జనాలు ప్రణీతను హెచ్చరిస్తున్నారు.

Like Us on Facebook : https://www.facebook.com/Tupakidotcom/