హిందూ- ముస్లిం స్నేహం.. ప్రస‌న్న - స్నేహ జంట‌కు అరుదైన‌ గిఫ్ట్

స్టార్ క‌పుల్ ప్రసన్న - స్నేహ జంట గురించి ప‌రిచ‌యం అవ‌స‌రం లేదు. ప్రేమించి పెళ్లి చేసుకున్న స్టార్ క‌పుల్స్ లో ఆద‌ర్శ జంట‌గా పాపుల‌ర‌య్యారు. త‌మిళ‌నాట సూర్య‌- జ్యోతిక జంట‌లా ఐడియ‌ల్ గా నిలుస్తున్నారు. ఈ జంట ఇటీవ‌లే పండంటి బిడ్డ‌కు జ‌న్మ‌నిచ్చారు.

నేడు విజ‌య‌ద‌శ‌మి సంద‌ర్భంగా హిందూ సాంప్ర‌దాయంలో పూజా కార్య‌క్ర‌మాలు నిర్వ‌హించారు ఈ జోడీ. అయితే ఈరోజు ఊహించ‌ని విధంగా పొరుగున ఉన్న ముస్లిం కుటుంబం నుండి అరుదైన కానుక‌ను అందుకున్నారు. ప్రసన్న సోషల్ మీడియాలో ఈ విష‌యాన్ని వెల్ల‌డించారు. భారతదేశంలోని సామాన్య ప్రజల సమగ్రతను బలోపేతం చేసే అందమైన క్షణానికి సంబంధించిన ఒక మంచి విష‌యాన్ని ఆయ‌న షేర్ చేశారు. పొరుగున ఉన్న ముస్లిమ్ సోద‌రుల‌ గురించి ఒక చిత్రాన్ని పోస్ట్ చేసి,.. ``నా పొరుగు వాళ్లు.. మిస్టర్ జబీర్ ఎన్ మిసెస్ నజీబా... నా వాట్సాప్ డిపి ఎప్పుడూ లార్డ్ శివుడు అని తెలిసీ.. ఈ ఉదయం నాకు ఒక మహా విల్వం మొక్కను బహుమతిగా ఇచ్చారు. పండుగ రోజున మరింత అద‌న‌పు ఆనందం! #GreatNeighbour #spreadlove #GodisKindness`` అంటూ సంతోషం వ్య‌క్తం చేశారు.

ప్రసన్న తదుపరి సినిమాల్లో `తుప్పరివాలాన్ 2` . అలాగే కొన్ని వెబ్ సిరీస్ ల‌లోనూ న‌టిస్తున్నాడు. దుల్కర్ సల్మాన్ - ప్రియా భవని శంకర్ కాంబోలో మణిరత్నం మెగా వెబ్ సిరీస్ న‌వ‌ర‌స ఎపిసోడ్ `వాన్`లో స్నేహ కీలక పాత్ర పోషిస్తోంది.