'ప్రశాంత్ నీల్ - ఎన్టీఆర్' కాంబో మూవీ అప్పుడేనట!!

స్టార్ డైరెక్టర్ ప్రశాంత్ నీల్ పేరు దేశవ్యాప్తంగా పరిచయం చేసింది కేవలం కేజీఎఫ్ మూవీ మాత్రమే. ఒక్కసారిగా కేజీఎఫ్ సినిమాతో ప్రశాంత్ నీల్ మోస్ట్ వాంటెడ్ డైరెక్టర్ గా మారాడు. కేజీఎఫ్ విడుదలై అన్ని బాషలలో ఎలాంటి విజయం సాధించిందో అందరికి తెలిసిన విషయమే. రెండేళ్ల పైగా కేజీఎఫ్ చాప్టర్ 2 కోసం సినీ అభిమానులు ఎదురుచూస్తున్నారు. ప్రస్తుతం కేజీఎఫ్ షూటింగ్ ఫినిష్ చేసుకొని పోస్ట్ ప్రొడక్షన్ పనులు ప్రారంభించిందట. అయితే కేజీఎఫ్-2 లోకి బాలీవుడ్ యాక్టర్స్ సంజయ్ దత్, రవీనా టాండన్ లాంటి రాకతో సినిమాకి మరింత హైప్ క్రియేట్ అయింది. మొత్తానికి కేజీఎఫ్ సినిమాతో పాన్ ఇండియా డైరెక్టర్ అనే నేమ్ ఫేమ్ సొంతం చేసుకున్నాడు ప్రశాంత్. ప్రస్తుతం డార్లింగ్ ప్రభాస్ హీరోగా హై-వోల్టేజ్ యాక్షన్ ఫిల్మ్.. సలార్ రూపొందిస్తున్నాడు. ఇదిలా ఉండగా.. ఇకపై ప్రశాంత్ పూర్తిగా పాన్ ఇండియా సినిమాలపై దృష్టి పెట్టబోతున్నాడట. ఇప్పటికే కేజీఎఫ్ సిరీస్ తో పాటు సలార్ మూవీ కూడా అదే రేంజిలో ముస్తాబు అవుతోంది.

అయితే సలార్ సెట్స్ మీదకి వెళ్లకముందే ప్రశాంత్ తదుపరి సినిమా గురించి సోషల్ మీడియాలో వార్తలు చక్కర్లు కొడుతున్నాయి. ప్రభాస్ తో సలార్ సినిమా తర్వాత ప్రశాంత్.. యంగ్ టైగర్ ఎన్టీఆర్ తో సినిమా చేస్తాడని వార్తలు వినిపిస్తున్నాయి. ఇదివరకు వీరిద్దరూ రెండుమూడు సార్లు సమావేశమై చర్చలు జరిపిన సంగతి తెలిసిందే. కానీ వారిద్దరూ ప్రస్తుతం చేతులలో ఉన్న సినిమాలను కంప్లీట్ చేసాక సినిమా చేసే అవకాశం ఉందని టాక్. ప్రస్తుతం ఎన్టీఆర్ రాజమౌళి దర్శకత్వంలో ఆర్ఆర్ఆర్ సినిమాతో పాటు త్రివిక్రమ్ డైరెక్షన్ లో 'అయినను పోయిరావలె హస్తినకు' సినిమాలు చేస్తున్నాడు. ఈ రెండు విడుదలయ్యే సరికి వచ్చే ఏడాది ప్రారంభం ముగుస్తుందట. అలాగే ప్రశాంత్ కూడా సలార్ సినిమా పూర్తి చేసేసరికి ఈ ఏడాది ఎండింగ్ అవుతుందని అంచనా వేస్తున్నారు. ఇక ఆ తర్వాత వీరిద్దరూ జతకట్టే ఛాన్స్ ఉంది. వీరి సినిమాను మైత్రి మూవీ మేకర్స్ వారు నిర్మిస్తారని సమాచారం. చూడాలి మరి హీరో డైరెక్టర్ నుండి ఎలాంటి వార్త వినిపిస్తుందో!