స్టార్ హీరోలే నన్ను సెలెక్ట్ చేసుకుంటారు.. నేను కాదు: కేజీఎఫ్ డైరెక్టర్

డార్లింగ్ ప్రభాస్ హీరోగా తెరకెక్కుతున్న సాలిడ్ యాక్షన్ పాన్ ఇండియా మూవీ సలార్. కేజీఎఫ్ ఫేమ్ ప్రశాంత్ నీల్ ఈ సినిమాకు దర్శకత్వం వహిస్తున్నాడు. తన ఫస్ట్ పాన్ ఇండియా డెబ్యూ కేజీఎఫ్ సినిమాతోనే తనకంటూ ప్రత్యేక ఫ్యాన్ బేస్ క్రియేట్ చేసుకున్నాడు డైరెక్టర్ ప్రశాంత్ నీల్. అలాంటి దర్శకుడితో ప్రభాస్ సినిమా అంటే డార్లింగ్ అభిమానులలో ఒక్కసారిగా అంచనాకు డబుల్ అయిపోయాయి. వీరి కాంబినేషన్ ఎలా సెట్ అయిందో గాని ప్రభాస్ - ప్రశాంత్ నీల్ కాంబోలో సినిమా అని తెలిసినప్పటి నుండే సలార్ గురించి ఆసక్తిగా వెయిట్ చేస్తున్నారు.

ప్రస్తుతం షూటింగ్ దశలో ఉన్నటువంటి సలార్ మూవీ వచ్చే ఏడాది రిలీజ్ ప్లాన్ లో ఉండగా ఇప్పటివరకు రెండు షెడ్యూల్స్ పూర్తి చేసుకుంది. ఈ సినిమాతో ప్రభాస్ లో నుండి మరో మాస్ యాంగిల్ బయటికి రానుందని ఇదివరకే డైరెక్టర్ చెప్పాడు. మరి ఆయన చెప్పినట్లుగానే డార్లింగ్ నెవర్ బిఫోర్ లుక్కులో కనిపించనున్నట్లు సలార్ పోస్టర్ చూస్తే అర్ధమైంది. ఈ సినిమాలో ప్రభాస్ సరసన శృతిహాసన్ కథానాయికగా నటిస్తుంది. డార్లింగ్ - శృతి కాంబినేషన్ ఫస్ట్ టైమ్ కాబట్టి వీరి కెమిస్ట్రీ అదిరిపోతుందని టాక్.

అయితే వరుసగా పాన్ ఇండియా ప్రాజెక్ట్స్ సెట్ చేసుకోవడంతో ప్రశాంత్ నీల్ తాజాగా ఇంటర్వ్యూలో క్లారిటీ ఇచ్చే ప్రయత్నం చేసాడు. తాజా ఇంటర్వ్యూలో టాలీవుడ్ బిగ్ స్టార్స్ ప్రభాస్ - ఎన్టీఆర్ లాంటి హీరోలతో వరుసగా పాన్ ఇండియా మూవీస్ చేస్తున్నారు. మరి వారితో కాంబినేషన్ ఎలా సెట్ అయింది? అనే ప్రశ్నకు స్పందిస్తూ.. "నేనెప్పుడూ నా సినిమాలకు స్టార్లను సెలెక్ట్ చేసుకోనండి. బిగ్ స్టార్స్ వారితో సినిమాలు చేసేందుకు నన్ను ఎంపిక చేసుకుంటున్నారు. అదిగాక అలాంటి బిగ్ స్టార్స్ ఆన్ బోర్డు అయ్యేసరికి నా సినిమా స్కేల్ కూడా భారీ లెవెల్లోకి డెవలప్ అవుతుంది" అని చెప్పుకొచ్చాడు ప్రశాంత్. ప్రస్తుతం ప్రశాంత్ కేజీఎఫ్ సీక్వెల్ విడుదల గురించి వెయిట్ చేస్తున్నాడు.