ఎట్టకేలకు ప్రశాంత్‌ వర్మకు ఒక ఛాన్స్‌

నాని నిర్మించిన మొదటి సినిమా ‘అ!’ తో దర్శకుడిగా పరిచయం అయ్యాడు ప్రశాంత్‌ వర్మ. మొదటి సినిమాతో విమర్శకుల ప్రశంసలు అందుకున్నాడు కాని కమర్షియల్‌ హిట్‌ మాత్రం దక్కించుకోలేక పోయాడు. మొదటి సినిమా తర్వాత కాస్త గ్యాప్‌ వచ్చినా కూడా పెద్ద హీరో రాజశేఖర్‌ తో సినిమా చేసే అవకాశం దక్కించుకున్నాడు. యాంగ్రీ యంగ్‌ మన్‌ తో ‘కల్కీ’ చిత్రాన్ని తెరకెక్కించాడు. సినిమాపై అంచనాలు చాలా పెంచారు. కాని వాటిని అందుకోలేక కింద పడిపోయారు.

కల్కీ ఫ్లాప్‌ తో ప్రశాంత్‌ వర్మను పట్టించుకునే వారే కరువయ్యారు. అయినా కూడా తన ప్రయత్నాలను వదిలి పెట్టకుండా ప్రశాంత్‌ వర్మ ప్రయత్నిస్తూనే ఉన్నాడు. ఎట్టకేలకు ప్రశాంత్‌ వర్మ మూడవ సినిమా ఛాన్స్‌ ను దక్కించుకున్నాడు. ఎల్లుండి ఆ సినిమా షూటింగ్‌ ప్రారంభం కాబోతున్నట్లుగా సినీ వర్గాల ద్వారా సమాచారం అందుతోంది.

ప్రశాంత్‌ వర్మ మూడవ సినిమా ఏంటీ అనేది తెలియాలంటే మరికొన్ని గంటలు ఆగాల్సిందే. మొదటి రెండు సినిమాలు కమర్షియల్‌ గా హిట్‌ కాకున్నా కూడా మూడవ ఛాన్స్‌ ను దక్కించుకున్నాడు అంటే చాలా గొప్ప విషయం అంటూ విశ్లేషకులు అభిప్రాయం వ్యక్తం చేస్తున్నారు. ఈ మూడవ ఛాన్స్‌ ను అయినా సద్వినియోగం చేసుకుని ప్రశాంత్‌ వర్మ సక్సెస్‌ కొట్టేనో చూడాలి.