నాని.. నితిన్.. బయోపిక్..

టాలీవుడ్ లో సక్సెస్ ట్రాక్ లో ఉన్న దర్శకుల కంటే మొన్నటి వరకు అపజయాలతో సతమతమై ఈ రోజు సడన్ గా హిట్ అందుకున్న దర్శకులకే ఎక్కువ ఇంపార్టెన్స్ ఇస్తారన్నది సత్యం. ఆ దర్శకులు అడగకముందే హీరోల నుంచి ఆఫర్స్ తోపాటు నిర్మాతల అడ్వాన్సులు అందుతూనే ఉంటాయి. సినీ జీవితం అంటే ఇంతే. ఇక అసలు విషయానికి వస్తే ప్రస్తుతం ప్రవీణ్ సత్తారు పరిస్థితీ కూడా అలానే ఉంది.

మొన్నటి వరకు బోల్డ్ అండ్ లవ్ స్టొరీలు అంటూ సినిమాలు చేసిన ఈ దర్శకుడు సడన్ గా కొత్త ఫార్మాట్ లోకి వచ్చి గరుడవేగ లాంటి మంచి యాక్షన్ ఫిల్మ్ ని తెరకెక్కించడంతో సినిమా మంచి సక్సెస్ అయ్యింది. అయితే సినిమా ఎంతవరకు సక్సెస్ అయ్యిందో గాని ప్రవీణ్ కెరీర్ మాత్రం చాలా సక్సెస్ అయ్యిందని చెప్పాలి. ఇప్పుడు నానితో సినిమా చేయడానికి ప్రవీణ్ రెడీ అయ్యాడని తెలుస్తోంది.

ఇప్పటికే పుల్లెల గోపీచంద్ బయోపిక్ ని ఫైనల్ చేసిన ప్రవీణ్.. నెక్స్ట్ నితిన్ హోమ్ బ్యానర్ శ్రేష్ట్ మూవీస్ నిర్మాణంలో ఒక సినిమాకు ఒకే చేశాడు. ఇక నానితో చేయబోయే సినిమాను భవ్య క్రియేషన్స్ నిర్మాణంలో ఒకే చేశాడని సమాచారం. అయితే ఇంకా నాని ఫైనల్ చేయాల్సి ఉంది. భవ్య క్రియేషన్స్ అయితే నానితో నెక్స్ట్ సినిమాను చేయాలనీ అతనితో అగ్రిమెంట్ చేసుకుంది.

ఇవన్నీ బాగున్నాయి కాని అసలు ముందుగా ప్రవీణ్‌ ఏ సినిమాను మొదలెడతాడు అనేది మాత్రం చూడాల్సిన విషయమే. ఎందుకంటే ఎక్కువ ప్రాజెక్టులు ఒప్పేసుకున్నా కూడా.. ఒకేసారి రెండు సినిమాలు చేయడం అయితే ఈరోజుల్లో కుదరని పని. చూద్దాం ఏది స్టార్ట్ చేస్తాడో!!