గరుడవేగ దర్శకుడితో ఎనర్జటిక్ హీరో

బాక్స్ ఆఫీస్ హిట్స్ అందుకోవడం కంటే కొత్తగా ప్రయత్నం చేసి చిన్న హిట్ అందుకున్న దర్శకులకే ఈ రోజుల్లో అవకాశాలు ఎక్కువగా వస్తున్నాయి. డిఫెరెంట్ గా చేయాలని తపనపడే హీరోలు కొంత మంది దర్శకులను స్పెషల్ గా ఎంచుకుంటున్నారు. ఇక గత ఏడాది సీనియర్ యాక్టర్ రాజశేఖర్ నటించిన PSV గరుడవేగ 126.18 సినిమా డీసెంట్ హిట్ అందుకుంది. మళ్లీ రాజశేఖర్ కు ఆ సినిమా కొత్త లైఫ్ ని ఇచ్చింది.

దర్శకుడు ప్రవీణ్ సత్తారు తెరకెక్కించిన ఆ చిత్రం అన్ని వర్గాల ప్రేక్షకులను ఓ మోస్తరుగా ఆకట్టుకుంది. ఆ సినిమా పాజిటివ్ టాక్ ను తెచ్చుకోవడానికి కారణం దర్శకుడనే చెప్పాలి. అయితే ఆ సినిమా ఇచ్చిన విజయం వల్ల మనోడికి ఇతర స్టార్ హీరోల నుంచి కాల్స్ వస్తున్నాయి. రీసెంట్ గా రామ్ తో కూడా ప్రవీణ్ ఓ ప్రాజెక్ట్ ను ఒకే చేసినట్లు తెలుస్తోంది. ఎనర్జిటిక్ హీరో రామ్ కి సెట్ అయ్యేట్టు ఇక యాక్షన్ కాన్సెప్ట్ ను ప్రవీణ్ రెడీ చేస్తున్నాడట. రామ్ కూడా గ్రీన్ సిగ్నల్ ఇచ్చినట్లు సమాచారం.

దీంతో ఫైనల్ స్క్రిప్ట్ మొత్తాన్ని రెడీ చేయడానికి దర్శకుడు ప్రవీణ్ సన్నద్ధం అవుతున్నాడు. సినిమాలో ఉహించని విధమైన ట్విస్ట్ లు హైలెట్ గా నిలవనున్నాయట. వీలైనంత త్వరగా స్క్రిప్ పనులను పూర్తి చేసి ఈ ఏడాది లోనే షూటింగ్ పూర్తి చేసి సినిమా రిలీజ్ చెయ్యాలని దర్శకుడు ఆలోచిస్తున్నట్లు సమాచారం. ఇక సినిమాను భవ్య క్రియేషన్స్ పతాకంపై వి.ఆనంద్ ప్రసాద్ నిర్మించనున్నారు. ప్రస్తుతం రామ్ దిల్ రాజు ప్రొడక్షన్ లో త్రినాథరావు ప్రాజెక్ట్ కోసం రెడీ అవుతున్న విషయం తెలిసిందే.