రామ్ ప్లేస్ లోకి ధనుష్ వచ్చాడా?

టాలీవుడ్ లో క్రేజీ కాంబినేషన్ లు బాగా తెరకెక్కుతున్నాయ్ అనుకుంటే ఇప్పుడు వాటికి బ్రేకులు పడుతున్నాయ్. సెట్స్ మీదకు వచ్చినా కూడా నమ్మకం కుదరడం లేదు. గత ఏడాది గరుడవేగ సినిమాతో మంచి హిట్ అందుకున్న దర్శకుడు ప్రవీణ్ సత్తారు రామ్ తో ఒక ప్రాజెక్టు ను లాక్ చేసుకున్న సంగతి తెలిసిందే. అయితే బడ్జెట్ కారణాల వల్ల ఆ సినిమాకు బ్రేక్ పడిందని ఇటీవల వార్తలు చాలానే వచ్చాయి.

ఇకపోతే దర్శకుడు వేరే హీరో కోసం వెతుకుతున్నట్లు తెలుస్తోంది. కోలీవుడ్ హీరో ధనుష్ అయితే సినిమాకు సెట్ అవుతాడని రెండు భాషల్లో క్రేజ్ అందుకోవచ్చని దర్శకుడు ప్లాన్ చేసినట్లు తెలుస్తోంది. ధనుష్ కూడా మంచి అవకాశం వస్తే తెలుగులో ఒక సినిమా చేయాలనీ అనుకుంటున్నాడు. రఘువరన్ బిటెక్ సినిమాతో మనోడికి ఇక్కడ మంచి క్రేజ్ ఏర్పడింది. అప్పటి నుంచి ఇక్కడ మార్కెట్ ను డెవలప్ చేసుకోవాలని చూస్తున్నాడు.

ఇకపోతే ప్రవీణ్ సత్తారు చెప్పిన కాన్సెప్ట్ కు ధనుష్ ఫైనల్ కాల్ ఇవ్వలేదని సమాచారం. గరుడవేగ సినిమా మంచి హిట్ అయినప్పటికీ లాభాలను అందించడంలో సినిమా అంతగా హిట్ అవ్వలేదు. మరి నెక్స్ట్ సినిమాతో అయినా ప్రవీణ్ కమర్షియల్ హిట్ అందుకుంటాడో లేదో చూడాలి. ప్రస్తుతం ధనుష్ తన మారి సీక్వెల్ తో బిజీగా ఉన్నాడు. ఇక రజినీకాంత్ తో నిర్మించిన కాలా సినిమా నేడు రిలీజ్ కానున్న సంగతి తెలిసిందే.