మళ్లీ ఎంట్రీ ఇస్తోందంట!!

తెలుగు సినిమా ప్రేమంటే ఇదేరా మూవీలో వెంకటేష్ సరసన నటించి సినీ అరంగేట్రం చేసిన భామ ప్రీతి జింతా. ఆ తర్వాత బాలీవుడ్ లో బిజీ అయిన ఈ బ్యూటీ.. మహేష్ బాబు హీరోగా నటించిన మొదటి సినిమా రాజకుమారుడులో మాత్రమే తెలుగులో కనిపించింది. బాలీవుడ్ లో మాత్రం టాప్ హీరోయిన్ గా వెలిగిపోయిన ప్రీతి.. గతేడాది పెళ్లి చేసుకుని సెటిల్ అయిపోయింది.

ఇక్కడ చాలా రకాల వివాదాలనే ఎదుర్కున్న ప్రీతి.. అమెరికాలో సీక్రెట్ గా పెళ్లి చేసుకుని.. అత్యంత సన్నిహితులను మాత్రమే పిలిచింది. ప్రీతి భర్త జీనీ గుడెనఫ్.. ఇప్పుడు ఆమెను సినిమాల్లో కంటిన్యూ చేయమని సలహా ఇచ్చాడట. చివరగా ఇష్క్ ఇన్ పారిస్ అనే మూవీలో హీరోయిన్ గా కనిపించిన ప్రీతి.. ఆ సినిమాకి ప్రొడ్యూసర్ కం రైటర్ కూడా. ఆ తర్వాత హ్యాపీ ఎండింగ్ అనే మూవీలో ఓ కేమియో చేసిందంతే. ఇప్పుడు 'భయ్యాజీ సూపర్ హిట్' అనే మూవీతో రీ ఎంట్రీ ఇవ్వబోతోంది జింటా.

సన్నీ డియోల్ హీరోగా రూపొందనున్న భయ్యాజీ సూపర్ హిట్ లో.. ప్రీతి జింటానే హీరోయిన్. యాక్టర్ మారేందుకు ప్రయత్నించే గ్యాంగ్ స్టర్ స్టోరీనే ఈ భయ్యాజీ సూపర్ హిట్. ఇందులో సన్నీ డియోల్ భార్యగా కనిపించనుంది. నిజానికి ఇది నాలుగైదు ఏళ్ల క్రితమే రిలీజ్ కావాల్సిన మూవీ. ఇప్పుడు పూర్తి చేసి రిలీజ్ చేయబోతున్నారు. ఈ మూవీ తర్వాత వరుసగా సినిమాలు చేస్తానంటోంది ప్రీతి జింటా.



Like Us on Facebook : https://www.facebook.com/Tupakidotcom/