ప్రేమ కథా చిత్రమ్ 2: కొత్త డేట్ వచ్చేసింది

'ప్రేమ కథా చిత్రమ్' ఆరేళ్ళ క్రితం రిలీజై బాక్స్ ఆఫీస్ వద్ద సంచలన విజయం సాధించిన చిత్రం. నిజానికి హారర్ కామెడీ జోనర్ తెలుగులో ఊపందుకోవడానికి ఈ సినిమా సగం కారణం. ఇప్పుడు ఆ సినిమాకు సీక్వెల్ గా 'ప్రేమ కథా చిత్రమ్ 2' ప్రేక్షకుల ముందుకు రానున్న సంగతి తెలిసిందే. నిజానికి ఈ వారమే ఈ సినిమా రిలీజ్ కావలిసి ఉన్నా ఎందుకో వాయిదా పడింది.

తాజాగా ఈ సినిమా కొత్త రిలీజ్ డేట్ ను ప్రటించారు నిర్మాతలు. ఉగాది పర్వదినం సందర్భంగా ఏప్రిల్ 6 నాడు ఈ చిత్రాన్ని రిలీజ్ చేస్తామని క్లారిటీ ఇచ్చారు. సుమంత్ అశ్విన్ హీరోగా నటించిన ఈ సినిమాలో నందిత శ్వేత.. సిద్ధి ఇద్నానిలు హీరోయిన్లుగా నటించారు. ప్రోమోలు చూస్తే మాత్రం రెగ్యులర్ హరర్ కామెడీ ఫార్మాట్ లోనే ఉంది.. మరి సినిమా రిలీజ్ అయితే కానీ మొదటి పార్ట్ ను కంటెంట్ విషయంలో మ్యాచ్ చేయగలిగిందా లేదా మనకు తెలియదు.

ప్రముఖ నిర్మాత ఎంఎస్ రాజు తనయుడిగా టాలీవుడ్ ఎంట్రీ ఇచ్చిన హీరో సుమంత్ అశ్విన్ చాలా రోజుల నుండి బ్రేక్ కోసం చూస్తున్నాడు. మరి ఈ సినిమాతో అయినా బ్రేక్ లభిస్తుందా అనేది చూడాలి. ఈ సినిమాలో ప్రభాస్ శ్రీను.. విద్యుల్లేఖ రామన్.. కృష్ణ తేజు ఇతర కీలక పాత్రల్లో నటించారు. ఈ చిత్రంతో హరికిషన్ దర్శకుడిగా టాలీవుడ్ కు పరిచయం అవుతున్నాడు. జేబీ(జీవన్ బాబు) ఈ మూవీకి మ్యూజిక్ డైరెక్టర్. 'ప్రేమ కథా చిత్రమ్ 2' నిర్మాత R. సుదర్శన్ రెడ్డి.