15 కోట్ల ప్రేమ‌మ్‌!

ఏమో అనుకున్నాం కానీ.. ప్రేమ‌మ్ సినిమా రేంజే వేర‌ని క‌లెక్ష‌న్లు రుజువు చేస్తున్నాయి. అక్కినేని నాగ‌చైత‌న్య కెరీర్లోనే అత్య‌ధిక వీకెండ్ క‌లెక్ష‌న్లు సాధించింది ప్రేమ‌మ్. తొలి వారాంతంలో ఈ చిత్రానికి రూ.15 కోట్ల గ్రాస్.. రూ.9 కోట్లకు పైగా షేర్ వ‌చ్చింది. ఒక్క అమెరికాలోనే ఈ చిత్రానికి మూడున్న‌ర కోట్ల దాకా గ్రాస్ రావ‌డం విశేషం. అక్క‌డ దాదాపు 120 స్క్రీన్ల‌లో రిలీజ్ చేయ‌గా.. ప్రిమియ‌ర్ల‌తోనే 75 వేల డాల‌ర్లు వ‌సూల‌య్యాయి. తొలి రోజు 1.35 లక్ష‌ల డాల‌ర్లు వ‌సూలు చేసిన ప్రేమ‌మ్ శ‌నివారం ఏకంగా 1.93 ల‌క్ష‌ల డాల‌ర్లు తెచ్చింది. ఆదివారం 1.16 ల‌క్ష‌ల డాల‌ర్లు వ‌చ్చాయి. మొత్తంగా ఫ‌స్ట్ వీకెండ్ లోనే హాఫ్ మిలియ‌న్ మార్కును దాటేసింది ప్రేమ‌మ్.

ఇక తెలుగు రాష్ట్రాల వ‌సూళ్ల సంగ‌తి చూస్తే.. రూ.9 కోట్ల గ్రాస్‌.. రూ.6.3 కోట్ల షేర్ వ‌సూలైంది. నైజాంలోనే రూ.3.3 కోట్ల గ్రాస్‌.. రూ.2.3 షేర్ వ‌చ్చింది. క‌ర్ణాట‌క‌లో సైతం ప్రేమ‌మ్ అద‌ర‌గొట్టింది. రూ.1.6 కోట్ల గ్రాస్ వ‌సూలైంది అక్క‌డ‌. ఆదివారం త‌ర్వాత కూడా ద‌స‌రా సెల‌వులు మూడు రోజులుండ‌టంతో ప్రేమ‌మ్ క‌లెక్ష‌న్లకు ఢోకా ఉండ‌దు. ప్ర‌స్తుతం అన్నిచోట్లా సినిమా హౌస్ ఫుల్స్ తో న‌డుస్తోంది. ఫుల్ ర‌న్లో ఈ చిత్రం ఈజీగా రూ.20 కో్ట్ల షేర్ మార్కును దాటే అవ‌కాశ‌ముంది. ఇంకా పెద్ద స్థాయికి కూడా వెళ్లొచ్చు. సోలో హీరోగా చైతూ కెరీర్లో ఇదే బిగ్గెస్ట్ హిట్ అవుతుంద‌న‌డంలో సందేహం లేదు. ద‌ర్శ‌కుడిగా చందూ మొండేటి తొలి సినిమా కంటే పెద్ద విజ‌యాన్ని ఖాతాలో వేసుకోనున్నాడు.


Like Us on Facebook : https://www.facebook.com/Tupakidotcom/