ర‌జ‌నీ వ‌య‌సు 70 .. `ప్రేమమ్` ద‌ర్శ‌కుడి క‌ల నెర‌వేరేనా?

2013 బ్లాక్ కామెడీ థ్రిల్లర్ `నేరం`తో అల్ఫోన్స్ పుత్రెన్ ద‌ర్శ‌కుడిగా ప‌రిచ‌యం అయ్యారు. కానీ 2015 రొమాంటిక్ డ్రామా ప్రేమమ్ అత‌డి ఫేట్ ని అమాంతం మార్చేసింది. ఓవర్ నైట్ స్టార్ డైరెక్ట‌ర్ గా పాపులారిటీ ద‌క్కింది. అయితే ఆ త‌ర్వాత మ‌ళ్లీ అత‌డి పేరు అంత‌గా మోగ‌లేదు.

తాజాగా ఫేస్ బుక్ లో జరిగిన ఒక చాట్ సెష‌న్స్ లో ప్రేమం ద‌ర్శ‌కుడు పుత్రెన్ తాను రజనీకాంత్ కోసం ఒక కథ సిద్ధం చేశాన‌ని.. త‌న‌వంతు ప్ర‌య‌త్నాల్లో ఉన్నాన‌ని తెలిపారు. ప్రేమం తర్వాత రజినీతో కలిసి సినిమా చేయడానికి ప్రయత్నించానని చెప్పారు. అతను సూపర్ స్టార్ ను సంప్రదించడానికి కూడా ప్రయత్నించారు. కానీ కుద‌ర‌లేదు. తాను ఖచ్చితంగా ఒక రోజు రజనీతో కలిసి పని చేస్తానని పుత్రెన్ తెలిపారు. సగం మ‌నం చేస్తే మిగ‌తాది దేవుడు చూసుకుంటాడని అతను ఆశించాడు.

ప్రస్తుత కోవిడ్ స‌న్నివేశం దేనికీ అనుకూలించ‌డం లేదు. ఈ స‌మ‌యంలో స్టార్లు ఎవ‌రినీ క‌లిసేందుకు ఆస‌క్తిగా లేరు. కాబ‌ట్టి ఆల్ఫోన్స్ కొంత‌కాలం వేచి చూడాల్సిందే. ర‌జ‌నీ త‌న అన్నాథే చిత్రీక‌ర‌ణ‌ను పూర్తి చేసాక అత‌డి దృష్టి స్టార్ డైరెక్ట‌ర్ల‌పైనే ఉంది. ఆయ‌న వ‌య‌సు ఇప్ప‌టికే 70 ..ఈ క‌ష్ట స‌మ‌యంలో ఇంకా న‌టించ‌డం గొప్ప‌త‌న‌మే. మ‌రి ఆల్ఫోన్స్ క‌ల నెర‌వేరుతుందా లేదా? అన్న‌ది వేచి చూడాలి. ఈ ఆసక్తికరమైన కాంబినేష‌న్ కార్యరూపం దాల్చుతుందో లేదో చూడాలి. ప్రేమం తర్వాత పుత్రెన్ ఆరేళ్ల సుదీర్ఘ విరామం తీసుకున్నాడు. కొన్ని నెలల క్రితం ఫహద్ ఫాసిల్ తో సినిమాని ప్ర‌క‌టించిన సంగ‌తి తెలిసిందే.