ప్రేమమ్.. దుమ్ముదులిపేసింది

దసరాకు ‘ప్రేమమ్’ బంపర్ బొనాంజానే కొట్టింది. మీడియం రేంజి సినిమా అనుకున్నది కాస్తా పెద్ద రేంజికే వెళ్లింది. వారం రోజుల్లోనే ఈ సినిమా రూ.25 కోట్ల గ్రాస్ మార్కును దాటేయడం విశేషం. ఫస్ట్ వీకెండ్లోనే రూ.17 కోట్ల గ్రాస్ వసూలు చేసిన ఈ సినిమా.. వీకెండ్ తర్వాత కూడా కలెక్షన్లు స్టడీగా సాగడంతో చాలా వేగంగా రూ.25 కోట్ల గ్రాస్ మార్కును అందుకుంది. ఆదివారం తర్వాత కూడా దసరా సెలవులు మూడు రోజులు కొనసాగడంతో ‘ప్రేమమ్’ పండగ చేసుకుంది. ఈ మూడు రోజుల్లోనే చాలా చోట్ల హౌస్ ఫుల్స్ పడ్డాయి.

నైజాంలో ఫస్ట్ వీక్ ‘ప్రేమమ్’ షేర్ రూ.4.15 కోట్లు కావడం విశేషం. సీడెడ్లో రెండు కోట్లు.. ఆంధ్రాలో ఆరున్నర కోట్ల దాకా వచ్చాయి. అమెరికాలో గ్రాస్ 6.2 లక్షల డాలర్ల దాకా ఉంది. రెస్టాఫ్ ఇండియా.. మిగతా దేశాల్లో కలిపి కోటి దాకా షేర్ వచ్చింది. మొత్తంగా షేర్ రూ.17 కోట్ల దాకా రాగా.. గ్రాస్ రూ.25 కోట్ల మార్కును దాటేసింది. దసరాకు వచ్చిన మిగతా సినిమాలకు యావరేజ్ టాక్ రావడం.. అదే సమయంలో ‘ప్రేమమ్’కు ఫుల్ పాజిటివ్ టాక్ రావడం కలిసొచ్చింది.

ఈ వారాంతంలో ‘నాగభరణం’ మినహాయిస్తే చెప్పుకోదగ్గ సినిమాలేం లేవు. కాబట్టి ‘ప్రేమమ్’ సినిమానే ఫస్ట్ ఛాయిస్ అవుతుంది. కాబట్టి రెండో వారాంతంలోకూడా ‘ప్రేమమ్’ వసూళ్ల పంట పండించుకోవడం ఖాయం. తన తండ్రి నాగార్జునతో కలిసి చేసిన ‘మనం’ సినిమానే చైతూ కెరీర్లో బిగ్గెస్ట్ గ్రాసర్. సోలో హీరోగా ఆ కలెక్షన్లను చైతూ దాటేస్తాడేమో చూడాలి.

Like Us on Facebook : https://www.facebook.com/Tupakidotcom/