చైతూ.. పండగ చేస్కోమ్మా

ఆగస్టు 12న రావాల్సిన ‘జనతా గ్యారేజ్’ సెప్టెంబరుకువాయిదా పడ్డందుకు అభిమానులు చాలా బాధపడ్డారు కానీ.. అలా వాయిదా పడ్డం వల్ల మంచే జరిగింది. ఈసారి గురువారమే సినిమాను రిలీజ్ చేశారు. పైగా సోమవారం వినాయకచవితి సెలవు కలిసొచ్చింది. డివైడ్ టాక్ వచ్చినా సరే.. ఈ అడ్వాంటేజీని వాడుకుని కలెక్షన్ల వర్షం కురిపించింది ‘జనతా గ్యారేజ్’. ఆ సినిమా వచ్చాక నెల రోజుల పాటు ఇలాంటి క్రౌడ్ పుల్లర్ విడుదల కాలేదు. ఐతే ఇప్పుడు దసరా కానుకగా విడుదలైన ‘ప్రేమమ్’ మీద నుంచే పాజిటివ్ బజ్ ఉండగా.. టాక్ కూడా చాలా బాగుండటంతో వసూళ్లు అదరిపోతున్నాయి. ఫస్ట్ వీకెండ్లోనే ఈ సినిమా రూ.15 కోట్ల గ్రాస్ వసూలు చేసింది.

ఆదివారం తర్వాత కూడా ‘ప్రేమమ్’ కలెక్షన్లు స్టడీగా ఉన్నాయి. స్టూడెంట్స్ అందరికీ సెలవులు కావడంతో ‘ప్రేమమ్’ హౌస్ ఫుల్స్ తో నడుస్తోంది. ఇక మంగళవారం దసరా కావడంతో వీకెండ్ రోజుల్లో లాగే కలెక్షన్లు ఉంటాయని అంచనా వేస్తున్నారు. బుధవారం కూడా సెలవే కావడం కలిసొచ్చే అంశమే. మామూలుగా వీకెండ్ తర్వాత థియేటర్లు తగ్గుతుంటాయి కానీ.. ‘ప్రేమమ్’కు మాత్రం థియేటర్లు పెంచారు. మిగతా దసరా సినిమాలకు కేటాయించిన స్క్రీన్లను కూడా దీనికిస్తున్నారు. దీంతో ‘ప్రేమమ్’ అంచనాల్ని మించి హిట్టయ్యేలా కనిపిస్తోంది. సోలో హీరోగా చైతూ కెరీర్లో బిగ్గెస్ట్ హిట్ ఇదే అన్న సంగతి ముందే తేలిపోయింది. ఇప్పుడు ‘మనం’ వసూళ్లకు చేరువగా ‘ప్రేమమ్’ వెళ్లినా ఆశ్చర్యం లేదు.

Like Us on Facebook : https://www.facebook.com/Tupakidotcom/