వావ్!! 10 రోజుల్లో 20 కోట్ల షేర్

అక్కినేని నాగచైతన్య నటించిన క్యూట్ లవ్ స్టోరీ(స్టోరీస్ అనాలేమో) ప్రేమమ్.. సెన్సేషన్స్ క్రియేట్ చేసేస్తోంది. రెండో వీకెండ్ లో కూడా ఫుల్ స్ట్రెంగ్త్ చూపించిన ప్రేమమ్.. ఈ వారం కూడా కలెక్షన్స్ లో నెంబర్ వన్ స్థానంలోనే ఉంది. మొత్తం 10 రోజుల్లోనే దాదాపు 20 కోట్ల వసూళ్లను సాధించి.. చైతు కెరీర్ లో బిగ్గెస్ట్ సోలో హిట్ గా అవతరించేందుకు దూసుకుపోతోంది.

ప్రేమమ్ కు రెండో వీకెండ్ ముగిసేసరికి మొత్తం 10 రోజుల్లో నైజాం ఏరియాలో 5.30 కోట్ల రూపాయల వసూళ్లు దక్కాయి. సీడెడ్ 2.32 కోట్లు.. వైజాగ్ 1.97 కోట్లు.. తూర్పు గోదావరి 1.11 కోట్లు.. వెస్ట్ 81 లక్షలు.. కృష్ణా 1.21 కోట్లు.. గుంటూరు 1.40.. నెల్లూరు 62 లక్షల కలెక్షన్స్ రాబట్టింది. మొత్తంగా రెండు తెలుగు రాష్ట్రాల నుంచే 14.74 కోట్ల షేర్.. అది కూడా 10 రోజుల్లోనే కావడం విశేషం. ఇక కర్నాటక నుంచి 1.85 కోట్లు.. ఓవర్సీస్ 2.53 కోట్లు.. మిగిలిన ఏరియాల నుంచి 70లక్షలు వసూలయ్యాయి. మొత్తంగా తొలి 10 రోజుల్లో 19.82 కోట్ల షేర్ ను రాబట్టగలిగింది ప్రేమమ్.

ప్రస్తుతం వసూళ్ల జోరు కొంచెం తగ్గినా.. ప్రేమమ్ హిట్ విషయంలో ఎలాంటి అనుమానాలు లేవు. బ్లాక్ బస్టర్ వరకూ దూసుకెళ్లకపోయినా.. సూపర్ హిట్ విషయంలోను.. చైతు కెరీర్ బెస్ట్ గా నిలవడంగా మాత్రం ఖాయంగా కనిపిస్తోంది.

Like Us on Facebook : https://www.facebook.com/Tupakidotcom/