ప్రేమమ్ అక్కడ కూడా సత్తా చూపించేసింది

అక్కినేని నాగచైతన్య నటించిన ప్రేమమ్ ప్రేక్షకుల ముందుకు వచ్చేసింది. తనకు ఈ మూవీతో బ్లాక్ బస్టర్ దక్కుతుందని చైతు చాలానే హోప్స్ పెట్టుకున్నాడు. నాగ చైతన్య కెరీర్ లో హిట్స్ చాలానే ఉన్నాయ్ కానీ.. బ్లాక్ బస్టర్ అయిపోయిన సినిమా ఏదీ లేదు. అక్కినేని ఫ్యాన్స్ కి ఈ విషయంలో చైతు బాకీ ఉన్నాడు. ఇప్పుడు ప్రేమమ్ తో ఆ లోటు తీర్చేసేలా ఉన్నాడీ అక్కినేని హీరో.

ప్రేమమ్ పై ఉన్న ఎక్స్ పెక్టేషన్స్ కారణంగా.. భారీగానే రిలీజ్ చేశారు. తెలుగు రాష్ట్రాల్లోనే కాదు.. ఓవర్సీస్ లో కూడా ప్రీమియర్ల దగ్గరనుంచి ఎక్కువగానే పడ్డాయి. 120 లొకేషన్స్ లో ప్రీమియర్లు ప్రదర్శించగా.. 74,219 డాలర్లను రాబట్టిందీ మూవీ. చైతు కెరీర్లో ఇది ఆల్ టైం బెస్ట్. ఇప్పటికే మౌత్ టాక్ తో పాటు రివ్యూలు సూపర్బ్ గా ఉండడంతో.. కలెక్షన్స్ విపరీతంగా పెరగనున్నాయని అంటున్నారు.

ప్రేమమ్ పై ఉన్న అంచనాల కారణంగా.. చైతు కెరీర్ బెస్ట్ కలెక్షన్స్ కంటే భారీ మొత్తానికే కొనుగోలు చేశారు. ఇప్పుడు పాజిటివ్ టాక్ కారణంగా.. ప్రేమమ్ మిలియన్ డాలర్ మూవీ అవుతుందని అంటున్నారు. తెలుగు స్టేట్స్ లో కూడా ట్రెమండస్ రెస్పాన్స్ రావడంతో.. ప్రేమమ్ బ్లాక్ బస్టర్ ఖాయం అంటున్నారు సినీ జనాలు.



Like Us on Facebook : https://www.facebook.com/Tupakidotcom/