మ్యాజిక్ మార్కు రేసులో ప్రేమమ్

దసరాకు యునానమస్ హిట్ టాక్ తెచ్చుుకుంది ప్రేమమ్. రేసులో ఇంకో నాలుగు సినిమాలుండగా.. ఆ నాలుగూ కలిపి ఎంత మంది జనాల్ని ఆకర్షించాయో అదే స్థాయిలో ఈ ఒక్క సినిమానే థియేటర్లకు రప్పించింది. కేవలం తెలుగు రాష్ట్రాల్లోనే కాదు.. ఓవర్సీస్ లో సైతం ‘ప్రేమమ్’ జనాలకు చాలా నచ్చేసింది. అమెరికాలో ఈ చిత్రాన్ని 120 స్క్రీన్లలో రిలీజ్ చేయగా.. ఫస్ట్ వీకెండ్లోనే హాఫ్ మిలియన్ మార్కును అందుకుని ఆశ్చర్యపరిచింది. అక్కడ వీకెండ్ తర్వాత కొంచెం కలెక్షన్లు తగ్గినా.. మళ్లీ వారాంతానికి వచ్చేసరికి పుంజుకున్నాయి. ఈ వారం అక్కడ ఇంకే సినిమా రిలీజ్ కాలేదు. దీంతో ‘ప్రేమమ్’కే పట్టం కట్టారు.

రెండో వీకెండ్ కూడా అయ్యేసరికి ‘ప్రేమమ్’ యుఎస్ వసూళ్లు 8 లక్షల డాలర్లకు చేరుకోవడం విశేషం. ఈ చిత్రం మిలియన్ మార్కును అందుకోవడానికి కూడా అవకాశాలున్నాయి. కాకపోతే ఈ శుక్రవారం వస్తున్న ‘ఇజం’ రిజల్ట్ ఏంటో తెలియాలి. ఎంతైనా అది మాస్ సినిమా. అమెరికా ఆడియన్స్ మరీ అంత ఆసక్తి చూపించరు ఈ తరహా సినిమాలపై. ‘ప్రేమమ్’ వాళ్ల టేస్టుకు తగ్గ సినిమా. దీని కంటే ముందు ‘పెళ్లిచూపులు’ సినిమా అమెరికాలో నాలుగైదు వారాల తర్వాత కూడా మంచి వసూళ్లు సాధించింది. దాని తర్వాత వచ్చిన సినిమాలేవీ పెద్దగా ప్రభావం చూపలేదు. ‘ప్రేమమ్’ కూడా అలాగే జోరు కొనసాగిస్తుందని భావిస్తున్నారు. మరి ఈ చిత్రం మిలియన్ మార్కును అందుకుంటుందో లేదో చూడాలి.

Like Us on Facebook : https://www.facebook.com/Tupakidotcom/