ప్రైమ్ గిఫ్ట్‌: 240 దేశాల్లో అప్పు సినిమాల ట్రీట్

దివంగత పునీత్ రాజ్ కుమార్ ఆక‌స్మిక మ‌ర‌ణం అభిమానుల‌ను షాక్ కి గురి చేసిన సంగ‌తి తెలిసిందే. వెండితెర క‌థానాయ‌కుడిగా సామాజిక క‌ర్త‌గా ఎప్ప‌టికీ అభిమానుల గుండెల్లో అత‌డు ఎప్ప‌టికీ నిలిచి ఉన్నారు. అప్పు అలియాస్ పునీత్ సృజనాత్మక న‌ట‌నా నైపుణ్యాన్ని గౌరవిస్తూ ప్రైమ్ వీడియో శుక్రవారం అతని PRK ప్రొడక్షన్స్ నుండి మూడు కొత్త కన్నడ సినిమాల ప్రీమియర్ ను ప్రకటించింది.

మ్యాన్ ఆఫ్ ది మ్యాచ్ -వన్ కట్ టూ కట్-ఫ్యామిలీ ప్యాక్ చిత్రాలు ప్రపంచవ్యాప్తంగా ప్రైమ్ మెంబర్ ల కోసం ప్రత్యేకంగా అందుబాటులో ఉంటాయి. ఈ మూడు చిత్రాల ప్రకటన దివంగత నటుడు పునీత్ రాజ్ కుమార్ చలనచిత్ర నిర్మాతల క్రాఫ్ట్ .. వారి వారసత్వానికి గుర్తుగా ఉంది అలాగే సినిమా అభివృద్ధికి చేసిన సహకారం కోసం గౌర‌వ ప్ర‌ద‌ర్శ‌న‌లుగా ప్ర‌క‌టించారు.

పునీత్ స‌హా కన్నడ చిత్ర పరిశ్రమకు చెందిన పాపుల‌ర్ స్టార్లు న‌టించిన‌ ఈ చిత్రాల ను భారతదేశంలోని ప్రైమ్ వీడియోలో ప్ర‌సారం చేస్తుండ‌గా.. ప్రపంచవ్యాప్తంగా 240 దేశాలు భూభాగాల్లో ప్రదర్శితం కానుంది. ఇవేగాక పునీత్ న‌టించిన మ‌రో రెండు చిత్రాలు ఓటీటీలో ప్ర‌ద‌ర్శ‌న‌కు సిద్ధం కానున్నాయి. పునీత్ నటించిన లా- ఫ్రెంచ్ బిర్యానీ-, కావలుదారి- మాయాబజార్- యువరత్న చిత్రాలు ఫిబ్రవరి 1 నుంచి ఫిబ్రవరి 28 వరకు ఫ్యాన్స్ యాప్ లో ఉచితంగా చూసే ఛాన్స్ కల్పించింది. ప్రైమ్ సభ్యులు కాని వారు కూడా ఉచితంగా ఈ సినిమాలు వీక్షించ‌వచ్చు.