ప్రిన్స్ కు మెగా హీరోనైనా బ్రేకిస్తాడా?

కొంతమంది హీరోలు అంతే.. ఇలా వచ్చి అలా కనిపించకుండా పోతుంటారు. బాగానే ఉన్నాడులే అనుకునేలోపే.. అసలు ఏమైపోయాడు అనే ప్రశ్నకు అంతుచిక్కని ఆన్సర్ లా మిగిలిపోతారు కూడా. తేజ తీసిన నీకు నాకు డ్యాష్‌ డ్యాష్‌ సినిమాతో హీరోగా పరిచయమైన ప్రిన్స్ సెజిల్ కూడా అంతే. మధ్యలో బస్ స్టాప్ వంటి కొన్ని హిట్లుపడినా కూడా కుర్రాడికి బ్రేక్ మాత్రం రాలేదు.

కాకపోతే ఈ ఏడాది మొదటి రోజున రిలీజైన నేను శైలజ సినిమాలో హీరోయిన్ కు అన్నయ్యగా నటించాడు. ఆ దెబ్బతో కెరియర్ కనీసం అలాగైనా టర్న్ అవుతుంది అనుకున్నాడేమో. కాని ఏవో చిన్న చిన్న సినిమాల్లో మెరవడం తప్పిస్తే అస్సలు ఒక్కటంటే ఒక్కటి కూడా బడా సినిమా ఆఫర్లు వచ్చినట్లే లేవు. కాని ఇప్పుడు మాత్రం ఒక మెగా హీరో పిలుపు మనోడి కెరియర్ ను టర్న్ చేస్తోంది అంటున్నారు సినిమా విశ్లేషకులు. ప్రస్తుతం కర్ణాటకలో జరుగుతున్న ''మిష్టర్'' సినిమా షూటింగులో.. వరుణ్‌ తేజ్ అండ్ లావణ్య త్రిపాఠితో పాటు ఇప్పుడు ప్రిన్స్ కూడా జాయిన్ అయ్యాడు. చేస్తున్న పాత్రేంటో తెలియదు కాని.. నాలుగు సీన్లలో కనిపించినా కూడా చాలా ఇంపాక్ట్ ఉన్న పాత్రే వేస్తున్నాడట.

ఎలాగో మిష్టర్ సినిమా అంటే గ్రాండ్ గానే రిలీజైతే. అక్కడుంది మెగా హీరో కాబట్టి ప్రమోషన్లకు ఢోకా ఉండదు. ఇలాంటి సినిమాల్లో కనీసం ఒక్క సీన్లో ప్రూవ్ చేసుకున్నా కూడా వెంటనే బ్రేక్ వచ్చే ఛాన్సుంది. లీడ్స్ రోల్స్ సంగతి తెలియదు కాని.. క్యారెక్టర్ పాత్రలూ అలాగే ప్రతినాయకుడి పాత్రలూ వచ్చేస్తాయి.